Archives

You are currently viewing archive for October 2013
Category: Sinhala
Posted by: admin
-ඇමති ඩිලාන්

ශ්‍රී ලංකාවට වැඩියෙන්ම විදේශ විනිමය ගෙන එන්නේ විදේශගත ශ්‍රමිකයින් බවත් නමුත් ඔවුන් මීට පෙර නිසි පිළිගැනීමක් නොලද බවත් විදේශ රැකියා ප්‍රවර්ධන හා සුභසාධන අමාත්‍ය ඩිලාන් පෙරේරා කියා සීටී. ඔහු මෙම අදහස් පළකළේ ඊයේ හාලිඇලදී 8 වැනි රටවිරු පරිගණක විද්‍යාගාරය විවෘත කිරීමේ අවස්ථාවට එක් වෙමිනි. වැඩිදුරටත් අදහස් දැක්වූ ඔහු කියා සිටියේ,
“ආකල්ප වෙනස් කර ඉදිරියට යන්න නම් නවීන තාක්‍ෂණය භාවිතා කරන්න ඕනේ. අපේ රටට වැඩියෙන්ම විදේශ විනිමය ගෙනෙන අය ගැන ලංකාවේ එතරම් පිළිගැනීමක් තිබුනේ නෑ. වැරදි ආකල්පයක් තිබුනේ. ඒත් ලංකාවට වැඩියෙන්ම විදේශ විනිමය ගේන්නේ ඒ අය. ඒ නිසයි අපි ඒ අයට රටවිරුවෝ කියලා සමාජගත කළේ. එදා සාම්ප්‍රදායික කෘෂි අපනයන භෝගවලට තිබුන තැන අද රටවිරුවන්ට හිමිවෙලා. ගිය වසරේ ඩොලර් බිලියන 6ක් වූ තෙල් මිල ගෙව්වේ මොවුන් ගෙනා සල්ලි වලින්. මේ රටවිරුවන් අපි 365 දවස පුරා අගයන්න ඕනේ.”
“අද තරුණ පරපුර නවීන තාක්‍ෂණය භාවිතා කරනවා. සෑම තරුණයෙක් අතම ජංගම දුරකථන, ටැබ් වගේ නවීන තාක්‍ෂණික උපකරණ තියෙනවා. හැබැයි ඔවුන්ට ඒවා තමන්ගේ උවමනාවන් සඳහා භාවිතා කරන්න උපදෙස් දීලා නෑ. රට ඉන්න අම්මට කතා කරන්න IDD වලට ලොකු ගාස්තුවක් ගෙවන කොට Skype Facebook හරහා නොමිලේ පිටරට ඉන්න දෙමාපියන්ට කථා කරන්න වැඩපිළිවෙලක් යොදන්න ඕනි. ඒ නිසයි මේ ආකාරයට පරිගණක විද්‍යාගාර රටවිරු දරුවන් වෙනුවෙන් ඉදි කරන්න මම යෝජනා කළේ. අදවන විට දිවයින පුරා මෙම විද්‍යාගාර 8ක් පිහිටුවා තිබෙනවා. ” ඉදිරියේදී දිවයිනේ අනෙකුත් ප්‍රදේශවලද රටවිරු පරිගණක විද්‍යාගාර ඉදිකිරීමට තමන් අදහස් කරන බව අමාත්‍යවරයා සඳහන් කලේය.
අවුරුද්දකට ඩොලර් බිලියන 6ක් පමණ එවන රටවිරුවන් වෙනුවෙන් ඔවුන්ගේ දූ දරුවන්ට අංග සම්පූර්ණ පරිගණක විද්‍යාගාර ඉදි කිරීමට වැයකරන මුදල් නාස්තියක් නොව දැනුමේ කේන්ද්‍රස්ථානය බවට ශ්‍රී ලංකාව පත්වීමේ ගමන්මගට ලබාදෙන ශක්තියක් බවද හෙතෙම කියා සිටියේය.
විදේශ රැකියා ලාභීන් හා ඔවුන්ගේ දූ දරුවන් වෙනුවෙන් තොරතුරු තාක්‍ෂණ දැනුම ලබා දීම සඳහා ශ්‍රී ලංකා විදේශ සේවා නියුක්ති කාර්යාංශය හා මයික්‍රොසොෆ්ට් ආයතනය මගින් අමාත්‍ය ඩිලාන් පෙරේරාගේ උපදෙස් පරිදි ඉදිකල 8වන රටවිරු පරිගණක විද්‍යාගාරය ඊයේ (28) බදුල්ල හාලිඇල ප්‍රාදේශීය සභා සංකීර්ණයේදී විවෘත විය. මෙම පරිගණක විද්‍යාගාරය මගින් විදේශ රැකියා සඳහා පැමිණෙන ශ්‍රමිකයින්ට හා විදේශ රැකියාවල නිරත වූවන්ගේ දූ දරුවන්ට නොමිලේ පරිගනක සාක්‍ෂරතාව වර්ධනය කර ගැනීමට පහසුකම් සලසා ඇත. මෙහි පරිගණක 10 ක් පමණ ස්ථාපනය කර ඇති අතර අන්තර්ජාල පහසුකම්ද ඇතුළුව තොරතුරු හුවමාරු කර ගැනීමේ නවීන ක‍්‍රමවේද හා මූලික පරිගණක පාඨමාලාවන් හැදෑරීමට පහසුකම් සලසා ඇත.
මෙහිදී සමෘද්ධි සංවර්ධන බැංකුව මගින් රටවිරුවන් 12 දෙනෙකුට නිවාස ණය හිමිකම්පත්‍ර පිරිනමන ලදී. ආගරපතන දෙමළ විදුහලට පරිගණයක් ප්‍රදානය කිරීමද මෙහිදී සිදුවූ අතර මෙම අවස්ථාවට මයික්‍රොසොෆ්ට් ආයතනයේ ශ්‍රී ලංකා කළමනාකාරිනී ජානකී කරුණාරත්න හා ශ්‍රී ලංකා මත්ද්‍රව්‍ය විරෝධීන්ගේ සංගමයේ අධ්‍යක්‍ෂක දර්ශිකා ගුණමිණිගොඩ, ඌව පලාත් සභා මන්ති‍්‍ර නිලමේ වික‍්‍රමරත්න, විදේශ සේවා නියුක්ති කාර්යාංශයේ නියෝජ්‍ය සාමාන්‍යාධිකාරී (පුහුණු හා බඳවා ගැනීම්) උදිත රෝහණ යන මහත්වරුන්ද එක්වී සිටියහ.
ඡායාරූපයේ දැක්වෙන්නේ පාසැල් සිසුවියක් කුවේට්හි සිටින තම පියා Skype මාර්ගයෙන් අමතන අයුරුයි. අමාත්‍යවරයාද පසෙකින් සිටියි.

20131029-img_4493.jpg

20131029-img_4470.jpg

20131029-img_4709.jpg



Category: Sinhala
Posted by: admin
විපක්‍ෂයට හැමදේම පේන්නේ හරහට...
ඇමති ඩිලාන් කියයි.

ශ‍්‍රි ලංකාව වර්තමානය වන විට මධ්‍ය ආර්ථික සංවර්ධිත රටක් බවට පරිවර්ථනය වී ඇති බවත් එම සංවර්ධනය දෙස සුභවාදීව බැලීමට විපක්‍ෂය උත්සහ කළ යුතු බවත් විදේශ රැකියා ප‍්‍රවර්ධන හා සුභසාධන අමාත්‍ය ඩිලාන් පෙරේරා මහතා අවධාරණය කරයි. මහින්ද රාජපක්‍ෂ ජනාධිපතිතුමා 2005 වසරේ මේ රටේ අනාගතය භාර ගැනීම නිසා යුද්ධය අවසන් කර රට සංවර්ධිත මාවතකට යොමු කොට තිබෙන මොහොතක සියලූදෙනා ඊට සහයෝගය ලබා දිය යුතුබව ඔහු සඳහන් කළේය. අමාත්‍යවරයා මේ අදහස් පළ කළේ හාලිඇල ඇල්ලේවෙල හන්දියේ සිට කොස්ගොල්ල දෙහිවින්න පන්සල පාර ප‍්‍රතිසංස්කරණය කර විවෘත කිරීමේ අවස්ථාවට එක් වෙමිනි. ඒ සඳහා රුපියල් එක් කෝටි විසි දෙලක්‍ෂයක් වැය වී තිබේ. මෙම මාර්ගයෙන් ප‍්‍රතිලාභ ලබන පවුල් ගණන 600 කි.
එහිදී වැඩිදුරටත් අදහස් දැක්වූ ඩිලාන් පෙරේරා මහතා ප‍්‍රකාශ කළේ රටේ සංවර්ධනය සෑම ගම් දනව්වකම සිදුවන බවයි. අති දුෂ්කර යැයි හැඳින්වූ බදුල්ල දිස්ති‍්‍රක්කයේ සෑම මැතිවරණ කොට්ඨාශයකම සංවර්ධන කටයුතු සිදුකෙරෙන බවත්, ජනාධිපතිතුමා බදුල්ල දිස්ති‍්‍රක්කයට විශේෂ අවධානය යොමු කිරීම මෙහි ජනතාවට කළ ගරු කිරීමක් බවද සඳහන් කළේය. අද රටේ සංවර්ධනය සඳහා විදේශ රැකියා ලාභීන් හෙවත් රට විරුවන් ඍජුවම දායක වන අතර, ඔවුන් මෙරටට එවන විදේශ විනිමය ප‍්‍රමාණය දිනෙන් දිනම වැඩිවන බවද සඳහන් කළේය. අපේ විදේශ විනිමය සංචිතය ඉහළයාම නිසා සංවර්ධන කටයුතු සිදු කිරීමට එම මුදල් යෙදවීමට හැකිවී ත්බේ. වාර්ෂිකව රටවිරුවන් විසින් ඇමරිකන් ඩොලර් බිලියන 6ක් පමණ එවන අතර 2012 වර්ෂයේ අගෝස්තු මාසයේදී රටවිරුවන්ගේ විදේශ විනිමය පේ‍්‍රෂණ 17% න් වර්ධනය වී ඇති බවද සඳහන් කලේය. 2012 වර්ෂයේ අගෝස්තු මාසයේදී ඇමරිකන් ඩොලර් බිලියන 475ක් වූ විදේශ විනිමය පේ‍්‍රෂණ මේ වසරේ අගෝස්තු මාසයේදී ඩොලර් මිලියන 559 දක්වා ඉහළ ගොස් තිබේ.
මෙයට අමතරව 2012 වර්ෂයේ පළමු මාස 7ට සාපේක්‍ෂව මේ වසරේ පළමු මාස 7දී රටවිරුවන්ගෙන් මෙරටට ලැබුනු විදේශ විනිමය ප‍්‍රමාණය 10.1 % කින් වර්ධනය වී ඇති බවත්, එය ඇමරිකන් ඩොලර් මිලියන 3763 දක්වා වර්ධනය වී ඇති බවද ඩිලාන් පෙරේරා මහතා මෙහිදි වැඩිදුරටත් අවධාරණය කලේය.

20131017-dehiwinna_para_open.jpg

20131017-ella_dehiwinna_para_01.jpg


ඡායාරූප-
1. අමාත්‍යතුමා පීත්ත පටිය කපා හාලිඇල කොස්ගොල්ල දෙහිවින්න පන්සල පාර විවෘත කළ අයුරු දැක්වේ

2. ඇටම්පිටිය දෙහිවින්න පාර සඳහා මුල්ගල තැබිම.

මෙම අවස්ථාව සඳහා ඌව පලාත් සභා මන්ති‍්‍ර නිලමේ වික‍්‍රමරත්න ඇතුළු විශාල පිරිසක් එක්වී සිටියහ.



Category: Sinhala
Posted by: admin
ලක්‍ෂ 17ක් වූ රටවිරුවන්ට කාර්ය මණ්ඩලය ඉන්නේ 1000ක් විතරයි...
ඔවුන්ගේ සේවය අගය කරනවා...
කාර්යාංශ කාර්ය මණ්ඩලයට ප‍්‍රවාහන පහසුකම් ලබා දෙමින්
ඇමති ඩිලාන් අවධාරණය කරයි...

ලක්‍ෂ 17ක් පමණ වු විදේශ ගත ශ‍්‍රමිකයින් වෙනුවෙන් සියලූ කටයුතු කිරීමට ඉන්නේ දාහක් තරම් වූ සේවක පිරිසක් පමණක් බව විදේශ රැකියා ප‍්‍රවර්ධන හා සුභසාධන අමාත්‍ය ඩිලාන් පෙරේරා මහතා අවධාරණය කරයි. එහෙත් ඒ සුළු පිරිස රටවිරුවන් වෙනුවෙන් උපරිම සේවය ලබාදෙන බව ඇමතිවරයා සඳහන් කළේ ශ‍්‍රී ලංකා විදේශ සේවා නියුක්ති කාර්යාංශ කාර්ය මණ්ඩලයට ප‍්‍රවාහන පහසුකම් ලබා දීම සඳහා අළුතින් බස්රථ සේවාවක් ආරම්භ කරමිනි. කාර්යාංශයේ සේවක සුභසාධක සංගමය ම`ගින් මිළදී ගෙන තිබෙන නව බස් රථ 4ක් මේ සඳහා යොදා ගෙන තිබෙන අතර එහි වටිනාකම රුපියල් ලක්‍ෂ 180 කි. මෙම බස් රථ කාර්ය මණ්ඩලය ප‍්‍රවාහනය සඳහා රත්නපුර, මතුගම, හොරණ හා නිට්ටඹුව ගමනාන්ත සඳහා දිනපතා උදැසන හා සවස යෙදවේ.
මෙහිදී අදහස් දැක්වූ ඩිලාන් පෙරේරා මහතා වැඩිදුරටත් ප‍්‍රකාශ කළේ කාර්යාංශ සේවක මණ්ඩලය ලක්‍ෂ 17ක් පමණ වූ එතෙර රැකියා ලාභීන් හා මෙරට වෙසෙන ලක්‍ෂ 60ක් පමණ වූ පිරිස වෙනුවෙන් සේවය කිරීමට තමන්හට විශාල සහයක් ලබා දෙන බවයි. එම නිසා ඔවුන් වෙනුවෙන් සියලූම පහසුකම් සැපයීම සඳහා කටයුතු කරන බවද ප‍්‍රකාශ කළේය. ඒ අනුව නිළධාරීන්ට ප‍්‍රවාහන පහසුකම් සැලසීම සඳහා සේවක සුභසාධක සංගමය හරහා අළුතින් බස්රථ 4ක් ලබා දීමට කටයුතු කළ බවත් එහිදී විවිධ පිරිස් එයට විරුද්ධව කටයුතු කළද සේවකයින් වෙනුවෙන් නොසැලී කි‍්‍රයාකල බවද සඳහන් කළේය.
මෙහිදී නව බස්රථවල යතුරු නිල වශයෙන් කාර්යාංශයේ සභාපති අමල් සේනාලංකාධිකාර මහතාට භාර දුන් අයුරු හා පීත්තපටිය කපා බස් රථයට ගොඩවූ අයුරු ඡායාරූපවල දැක්වේ. එම අවස්ථාවට කාර්යාංශයේ අධ්‍යක්‍ෂ (පරිපාලන) සුසිල් රණසිංහ, සාමාන්‍යාධිකාරී හරිස්චන්ද්‍ර බටගොඩ මහත්වරුන් හා කාර්යාංශ සේවක පිරිසද එක්වී සිටියහ.

20131017-00222.jpg

20131017-0221456.jpg



Category: Sinhala
Posted by: admin
මෙතෙර විතරක් නොවේ එතෙරත් බෞද්ධ ජනතාවට සේවය කරනවා...
පැජරෝවලින් බැහැල සුරසැප විඳිමින් බෞද්ධකම් කරන්න බෑ.....
ඇමති ඩිලාන් අවධාරණය කරයි.


අපේ ගම්වල ඉන්න හාමුදුරුවෝ පයින් හරි, බයිසිකලෙන් හරි ගිහින් ධර්ම දේශනා කළා. බෞද්ධ, ඉස්ලාමීය, හින්දු, ක‍්‍රිස්තියානි මේ හැමෝගෙම දුක සැප බැලූවා. ගමේ ඉන්න හැම ජාතියකටම අයත් ජනතාව සමග ගමේ පන්සලේ හාමුදුරුවෝ හොඳ අවබෝධයෙන්, සුහදත්වයෙන් කටයුතු කළා. එයයි නියම බොදු බලය. විදේශ රැකියා ප‍්‍රවර්ධන හා සුභ සාධන අමාත්‍ය ඩිලාන් පෙරේරා මහතා මෙම අදහස් ප‍්‍රකාශ කළේ, හාලිඇල ප‍්‍රදේශයේ පැවති වැඩිහිටි උපහාර හා සිල්රෙදි බෙදා දීමේ උත්සවයට සහභාගිවෙමිනි. එහිදී වැඩි දුරටත් අදහස් දැක්වූ අමාත්‍ය ඩිලාන් පෙරේරා මහතා,
”අපේ අම්මලා තාත්තලා දරුවෝ මහන්සියෙන් හදලා වඩලා, ඒ දරුවන්ගේ දරුවොත් හදනවා කියන්නේ මහ`ගු කාර්යයක්. ඇතැම් පළාත් වල අපි හීනෙන්වත් නොහිතන දේවල් වෙනවා. අම්මාව කාමරයක හිර කරලා දොර යටින් කෑම දෙන සමාජයක කවුද අම්මල තාත්තල කරන සේවය අගයන්නේ. ඒ කාර්යය අගයන්න මගේ ඇස් පෑදුවේ හාලිඇල වැඩිහිටි සංගමයයි. වැඩිහිටි සමාජ වල අම්මලා තාත්තලා මේ රටට ගමට වැඩදායී පුරවැසියන් ලෙස කල සේවය ඇගයීමේ දී මම පාට පක්ෂ භේද බලන්නේ නෑ. පාසැල් පොත් බෙදා දෙනකොටත් පක්ෂය බැලූවේ නෑ. මේ වැඩපිළිවෙල වෙන කිසිම මැතිවරණ කොට්ඨාශයක කරන්නේ නැත්තේ ඒ අය ඡුන්දය බලාගෙන හැමදේම කරන නිසයි. අපේ අම්මල තාත්තලා කළ සේවය මේ සිල් රෙද්දෙන් මනින්න බෑ. මං ලොකු සල්ලිකාරයෙක් නෙවෙයි. මගේ වත්කමේ හැටියට කරන පිංකමක් මේ. මේ දශමයක ඇගයීමක් පමණයි. මේ දේ පොඩිහිටියන්ට ආදර්ශයක් වේවී. මැදිහිටියෝ හැටියට අපි පොඩිහිටියන්ට කියන්නේ වැඩිහිටියන්ට ගරු කරන්න කියලයි.”
මෙහිදී ඔහු වැඩි දුරටත් ප‍්‍රකාශ කළේ බෞද්ධ දර්ශනයට නිගාවන ලෙස අද බොහෝ අය ක‍්‍රියා කරන බවයි. සැබෑ බෞද්ධ දර්ශනය අවිහිංසාව, කරුණාව, මෛත‍්‍රිය මත පදනම් වී තිබෙන බවත් වෛරය හා මිලේඡ්චත්වය තුලින් අද ඇතැම් අය බෞද්ධ දර්ශනයට මුවාවී සමාජය අස්ථාවර කිරීමට උත්සහ දරන බවද ප‍්‍රකාශ කළේය. එහෙත් ඒ සඳහා සමාජය කිසිවිටෙකත් ඒ අයට ඉඩ ලබා නොදෙන බව ද සඳහන් කළේය.
”මං අපේ හාමුදුරුවන් 25 නමක් එක්ක කොරියාවට යනවා ධාතු වඩම්මන්න. එහේ ඉන්න අබෞද්ධ ජනතාවට පිරිත් කියන්න. මේක නේද සැබෑ බොදු බල සේනාව කියන්නේ. නැත්තම් සත්තු වත්තේ ඉන්න ඔක්කෝම සත්තුන්ගේ නම් කියන අයටද බොදුබල සේනාව කියන්නේ. පැජරෝ වලින් බහින හාමුදුරුවරු නෙවෙයි නියම හාමුදුරුවරු. අපේ ගම්වල ඉන්න හාමුදුරුවරු ත‍්‍රීවීල් එකකින් නැත්තම් කාගේ හරි බයිසිකලයකින් තමයි බණට වඩින්නේ. උන්වහන්සේලා තමයි නියම හාමුදුරුවරු. උන්වහන්සේලා නිසයි සාසනේ රැකෙන්නේ.”
නියම බොදු බලය තියෙන්නේ ගමේ පන්සලේ බවද ඩිලාන් පෙරේරා මහතා වැඩිදුරටත් ප‍්‍රකාශ කළේය. මෙහිදී කිරිගොවීන් 215 දෙනෙකුට උපකරණ ප‍්‍රදානය කිරීමද අමාත්‍යවරයා අතින් සිදු කෙරිණි.

20131017-mil1.png

20131017-mil2.png