Archives

You are currently viewing archive for February 2011
Category: General
Posted by: admin
- විදේශ සේවා නියුක්ති කාර්යාංශය

මහින්ද අලුත්ගෙදර


ආණ්ඩු විරෝධී උද්ඝෝෂණ පැවැතියද බහරේන් වල වෙසෙන ශ්‍රී ලාංකිකයන්ට කිසිදු හානියක් නැතැයි ශ්‍රී ලංකා විදේශ සේවා නියුක්ති කාර්යාංශය පවසයි. මෙවැනි හේතූ�න් නිසා යම් හෙයකින් ශ්‍රී ලාංකිකයන්ට ගැටලුසහගත තත්ත්වයක් ඇති වන්නේ නම් කඩිනමින් ඒ සඳහා මැදිහත් වීමට සූදානම් බව විදේශ සේවා නියුක්ති කාර්යාංශයේ ප්‍රකාශකයෙක් �දිනමිණ� ට පැවැසීය.

ආණ්ඩුව විරෝධී කණ්ඩායම් වල උද්ඝෝෂණයන් ඉහළ යාම නිසා බහරේනය තුළ අස්ථාවර තත්ත්වයක් උද්ගත වී තිබෙන අතර ඒ නිසාම ශ්‍රී ලාංකිකයන් සම්බන්ධයෙන් ශ්‍රී ලංකා විදේශ සේවා නියුක්ති කාර්යාංශයේ පූර්ණ අවධානය යොමුව තිබේ. මේ අතර එම ප්‍රකාශකයා සඳහන් කළේ විදේශ සේවා නියුක්ති කාර්යාංශයේ සභාපති නීතිඥ කිංස්ලි රණවක මහතාගේ උපදෙස් පරිදි මේ කටයුතු සිදු කෙරෙන බවයි.

මීට පෙර ඊජිප්තුවේ පැවැති දේශපාලන අස්ථාවරභාවය හේතුවෙන් ශ්‍රී ලාංකික ශ්‍රමිකයන් යැවීම තාවකාලිකව අත්හිටුවීමට විදේශ සේවා නියුක්ති කාර්යාංශය පියවර ගන්නා ලද අතර එවැනි අර්බූදකාරී තත්ත්වයන් පහව යාමත් සමඟ යළිත් ශ්‍රමිකයන් යැවීමට පියවර ගත්තේය.
Category: General
Posted by: admin
අම්මත් නැතිව වැඩකරලා ඇතිවෙලා අපි දෙන්නා අද එකටම මැරෙමු
සමන්ති වීරසේකර

�අම්මත් නැතුව හැමදාම වැඩකරලා ඇති වෙලා, අක්කේ අපි දෙන්නා අදම එකටම මැරෙමු� කී පහළොස් හැවිරිදි නංගි පිළිකන්නේ බාල්කයේ දැමූ එකම ලණුවේ දෙපැත්තේ අක්කා සමඟ ගෙල වැලලාගත් සිද්ධියක් දන්තුරේ උඩවෙල ප්‍රදේශයෙන් වාර්තාවේ.

මෙම සිද්ධියෙන් මියගොස් ඇත්තේ නැගණිය වන අගලගාපුවත්තේ ගෙදර දිල්හානී මධුෂිකා ජයසුන්දර (15) වන අතර 17 හැවිරිදි අක්කා බරපතල තුවාල සහිතව පේරාදෙණිය රෝහලේ ප්‍රතිකාර ලබමින් සිටී.

මෙම දරුවන්ගේ මව වසර 5 කට සිට විදේශගතව ඇත. පෙදරේරුවකු වන පියා සහ අට හැවිරිදි බාල සහෝදරයා සමඟ සිද්ධියට අදාළ දරුවන් උඩවෙල නිවසේ පදිංචිව සිට ඇත. සිද්ධිය වූ දිනයේ උදේ කාලයේ සහෝදරියන් දෙදෙනා දළු කැඩීමට ගොස් ඇත. වැඩ අවසන් වී ආපසු එනවිට රාත්‍රි ආහාර පිසීමට වෙළෙඳපොළෙන් බඩු ද රැගෙන නිවසට එන අතරතුර �මැරෙමු� කියා දෙදෙනා කතාබස් කරමින් පැමිණ ඇතැයි පොලිස් පරීක්ෂණවලදී අනාවරණය වී තිබේ. කඩුගන්නාව පොලිසියේ ස්ථානාධිපති ප්‍රධාන පොලිස් පරීක්ෂක ටිරෝන් රත්නායක මහතාගේ උපදෙස් මත සුළු පැමිණිලි අංශයේ උප පොලිස් පරීක්ෂක බාලසූරිය, පොලිස් සැරයන් 64213 සමරකෝන් යන මහත්වරු සිද්ධිය පිළිබඳ වැඩිදුර පරීක්ෂණ පවත්වති.

නැවත මව පැමිණෙනතුරු වැඩිමහල් දියණිය මවගේ දෙමව්පියන් භාරයේ තැබීමටත්, ඇය පිළිබඳ වාර්තාවක් අධිකරණය හමුවට යොමු කිරීමටත් පොලිසිය කටයුතු කරයි.

Source: http://www.dinamina.lk/2011/02/15/_art.asp?fn=n11021511