Category: Sinhala
Posted by: admin
පසුගිය ඌව පළාත් සභා මැතිවරණය අවසානයේ පසුගිය 22 දින ශ්‍රී ලංකා නිදහස් පක්ෂය ප්‍රමුඛ එක්සත් ජනතා නිදහස් සංධානයේ අපි හාලිඇල සන්ධානයට පක්ෂ විපක්ෂ පිරිස් වෙත ස්තූතිය පළ කිරීම සඳහා හාලිඇල ප්‍රදේශයේ නිවෙස් වෙත ගියෙමු. එම කටයුතු අවසානයේ හාලිඇල නගරයට පැමිණි අපි එහි වෙසෙන අයටද ස්තූති කර දිවා ආහාරය සඳහා හාලිඇල ප්‍රාදේශීය සභා ගොඩනැගිල්ල වෙත ගියෙමු. අප එහි පැමිණී බව දැනගත් සන්ධානයේ ආධාරකරුවෝ මෙන්ම අවට ප්‍රදේශවාසීහුද එම ස්ථානයට පැමිණීයහ. මේ අවස්ථාවේ අපි සිටි ස්ථානය හාලිඇල නගරයේ සිට මෙන්ම බදුල්ල කොළඹ මාර්ගයෙන්ද ඉවත පිහිටි ස්ථානයකි.

ඒ අතරතුර ඌව පළාත් සභා මැතිවරණයෙන් ආණ්ඩුව පරාජය කිරීමේ අරමුණෙන් තරඟ වැදි හිටපු එක්සත් ජාතික පක්ෂ පාර්ලිමේන්තු මන්ත්‍රී දැනට දිවුරුම් දී නොමැති ඌව පළාත් සභා විපක්ෂ නායක හරීන් ප්‍රනාන්දු මහතා සහ ඔහුගේ ආධාරකරුවෝ පිරිසක් රථ පෙළපාලියකින් විරෝධතා සහ සටන්පාඨ කියමින් බදුල්ලේ සිට හාලිඇල නගරයටද පෙරළා හාලිඇල නගරයේ සිට බදුල්ල දෙසට පැමිණ තිබේ. හාලිඇල ප්‍රාදේශීය සභාව පිහිටි මාවත අසලදී (එම ස්ථානයේ හාලිඇල පොලිස් මාර්ග බාධකයද තිබේ.) සිය රථයෙන් බැසගත් හරීන් ප්‍රනාන්දු මහතා අසභ්‍ය වචනයෙන් මාගේ නම ඈඳා මා පිළිබඳ විමසා ඇත. ඒ අවස්ථාවේ ඒ මහතා අසල දෙපසින් පෙළපාලියේ පැමිණි පිරිස අතර අප ප්‍රදේශයේ නොවන දෙදෙනෙක්ද පොලූ දෙකක් රැගෙන් පැමිණි ඇති අතර මා පිළිබඳව අසභ්‍ය වචනයෙන් විමසීම පිළිබඳ ව හාලිඇල ප්‍රාදේශීය සභාවේ සන්ධාන මන්ත්‍රීවරයකු හරීන් ප්‍රනාන්දු මහතාට විරෝධය දක්වා තිබේ. ඒ ක්ෂණිකයෙන් ඔහුට පහර දී ඇති හරීන් ප්‍රනාන්දු මහතාත් ඔහුගේ ආධාරකරුවනුත් හේතුවෙන් මාර්ගය අසල රැඳි අපගේ ආධාරකරුවන් හා හිතවත්තු ආත්ම ආරක්ෂාව තකා පෙරලා පහර දී ඇත. අනතුරුව දෙපිරිසම ගැටුමට ලක්ව ඇති අතර හරීන් ප්‍රනාන්දු මහතාත්, ප්‍රදේශයේම පදිංචි අප හොඳින් දන්නා හඳුනන අස්ලම් නැමති අයත් ඇතුළු පිරිස පළාගොස් තිබේ. තත්පර කිහිපයකදී ක්ෂණිකව සිදුවූ මේ ප්‍රහාර හා ආරක්ෂිත ප්‍රති ප්‍රහාර සිදුවන විටත් මමත් තව බොහෝ දෙනකුත් සිටියේ හාලිඇල ප්‍රාදේශීය සභා ගොඩනැගිල්ලේ දිවා ආහාරය ගනිමිනුයි.
මේ ගැටුම අතරතුර අප ඉතාමත් හොඳින් පෞද්ගලිකව හදුනන මාධ්‍ය වෘත්තීන්හි නියැලෙන දෙදෙනෙක්ද ප්‍රහාරයට ලක්වී ඇත. එය කණගාටුදායක මෙන්ම මා පෞද්ගලිකවත් අපේ ආණ්ඩුව ලෙසත් හෙලා දකින සිදුවීමකි. මෙම මාධ්‍යවේදීන් දෙදෙනාගෙන් එක් අයකු මාධ්‍ය වෙත පවසා සිටියේ තමන් පෞද්ගලික ගමනක් ගොස් සිටියදී එම ප්‍රහාරයට ලක්ව ඇති බවයි. එහි අදහස වන්නේ එතුමා සිය මාධ්‍ය රාජකාරිය සඳහා මෙම ස්ථානයට නොපැමිණි බවයි. ඒ අතර සමහර දෙනෙකු පවසන්නේ එතුමාත් හරීන් ප්‍රනාන්දු මහතාගේ රථයකින්ම මෙම ස්ථානයට පැමිණ ඇති අතර එතුමාගේ පෞද්ගලික වෑන් රථය පෙළපාලියට පිටුපසින් වෙනම පැමිණ ඇති බවයි.

අනෙක් මාධ්‍යවේදී මහතා මීට පෙර හාලිඇල ප්‍රාදේශීය සභාවේ අප ඉතාමත් හොදින් දන්නා හිටපු එක්සත් ජාතික පක්ෂ මන්ත්‍රීවරයෙකි. හාලිඇල නඟරයේ සියල්ලෝ ඔහු හදුනන්නේ මාධ්‍යවේදියකු ලෙස නොව එජාප ක්‍රියාකාරි දේශපාලනඥයෙකු ලෙසයි. එමනිසා එජාප - සන්ධාන දෙපිරිස අතර ගැටුමකදී සිදුවන පරිද්දෙන්ම ඔහු එජාප ආධාරකරුවකු ලෙස පහරකෑමට ලක්ව ඇත. එසේ වුවත් මම එම පහරදීමත් හෙලා දකිමි.
එජාප - ශ්‍රීලනිප - ජවිපෙ ආදී ඕනෑම දේශපාලන මත දරන්නෙකුට "අපක්ෂපාතීව" මාධ්‍යවේදියකු වීමේ අයිතියට මම ගරු කරන නිසාම ඔහුගේ මාධ්‍ය අයිතියට ගරු කර යලි යලිත් එම පහර දීම පිළිබඳව කණගාටුව ප්‍රකාශ කරමි. කෙසේ වෙතත් අනතුරට පත්වූ ඒ මහතා බදුල්ල රෝහලෙන් ඉවත් කර කොළඹ පෞද්ගලික රෝහලකට ඇතුලත් කර ඇති අතර එය එතුමාගේ සොහොයුරාට සහ ඔහුගේ බිරිඳට අයත් පෞද්ගලික රෝහලකි. එසේම ඒ දෙදෙනාම වෛද්‍ය වෘත්තිකයන්ය. තදබල අනතුරක් ඇති රෝගියකු බදුල්ල රෝහලෙන් කොළඹ ජාතික රෝහලට ඇතුල් කිරීම සාමාන්‍ය සම්ප්‍රදාය වුවත් එතුමා ඇතුලත් වී ඇත්තේ සිය පවුලේ අයට අයත් පෞද්ගලික රෝහලකට වීම අප අමතක නොකළ යුතු කරුණකි.
මෙම ක්ෂණික පහර දීම, ආරක්ෂීත ප්‍රතිප්‍රහාර හා පලායාමෙන් අනතුරුව එම ස්ථානයේ සිටි හරීන් ප්‍රනාන්දු මහතා වහාම පැමිණියේ බදුල්ල බණ්ඩාරනායක මාවත පිහිටි මාගේ නිවසටයි. ඒ මොහොතේ නිවසේ සිට ඇත්තේ මාගේ පියා පමණකි. පියාට සිද්ධිය සැලකළ හරීන් ප්‍රනාන්දු මහතා අප නිවසේ සිට මීටර් කිහිපයක් ඈතින් පිහිටි ඒ මහතාගේ නිවස වෙතත් කාර්යාලය වෙතත් ගොස් ඇත.
හරීන් ප්‍රනාන්දු මහතා හාලිඇල සිට වහාම මාගේ නිවසට පැමිණී හේතුව දන්නේ එතුමාගේ හෘදය සාක්ෂිය පමණි. මා දන්නා පරිදි අසල්වැසියන් ලෙස හරීන් ප්‍රනාන්දු මහතා මා පිළිබඳවත් මාගේ දයාබර අම්මා සහ තාත්තා පිළිබඳවත් ඉතා හොඳින් දනියි. අපගේ දේශපාලනය තුල මැරකම්, ජඩකම්, ත්‍රස්තකම් නැති බව ඔහු හොඳින්ම දනියි. ආරක්ෂාව පතා ඔහු ඉක්මනින්ම මාගේ නිවස වෙත පැමිණියේ ඒ නිසා බව මටත් වඩා හොඳින් හරීන් ප්‍රනාන්දු මහතාගේ හෘදය සාක්ෂිය දනියි. නොඑසේනම් අප නිවසට පැමිණ ඇත්තේ මාගේ පියාට හෝ නිවසට පහරදීමටදැයි දන්නේ එතුමාම පමණකි.
හරීන් ප්‍රනාන්දු මහතා විශ්වාස කළ ලෙසට මම ඔහු ආරක්ෂා කළෙමි. මෙම සිදුවීම හේතුවෙන් දහසකට අධික අප පාක්ෂීකයන් මෙන්ම හිතවතුන්ද මාගේ නිවසට රැස්වූ අතර ඔවුන් කෝපයට පත්ව තිබිණි. එක් අසුරු සැණකින් ඇතිවිය හැකි විනාශය එක්සත් ජාතික පක්ෂයට එරෙහිව 30 වසරක දේශපාලනය කළ මම හොඳින් දන්නා නිසා වහාම අදාල පුද්ගලයන් අමතා හරීන් ප්‍රනාන්දු මහතාගේ නිවසටත් කාර්යාලයටත් පොලිස් විශේෂ කාර්යය බලකා ආරක්ෂාව ලබා දුනි. අද මේ මොහොත වන විටත් හරීන් ප්‍රනාන්දු මහතා බදුල්ලේ නොසිට කොළඹ සිටියදීත් එතුමාගේ නිවසටත් කාර්යාලයටත් එකී ආරක්ෂාව අඛණ්ඩව ලබා දෙමින් සිටියි. එතුමාගේ කාර්යාලය හා නිවසට පෙනෙන දුරින් පිහිටි මාගේ නිවසට කිසිදු ආරක්ෂාවක් මා ලබා ගෙන නැත. ලබා දුන්නේද නැත. මා උපන් බදුල්ල, මා හැදි වැඞී ජීවත් වන බදුල්ලේ ජනතාව මට විශ්වාස අතර හරීන් ප්‍රනාන්දු මහතාට ආධාර පිණිස කොළඹ හා තදාසන්න ප්‍රදේශ වලින් පැමිණී පිරිස 22 දින වහාම කොළඹ ගොස් ඇති නිසාත් මට විශේෂ ආරක්ෂාවක් අවශ්‍ය වන්නේද නැත. හරීන් ප්‍රනාන්දු මහතාගේ කොළඹ අය සිටියත් අපි පොලිස් ආරක්ෂාව ඉල්ලන්නේ නැත. ඒ අපේ දේශපාලන සංස්කෘතියයි.
එහෙත් තමන් ලඟ සිටි කොළඹ උදවිය කොළඹ ගිය පසු කොළඹදී මාධ්‍ය හමුවක් පවත්වා ඇති හරීන් ප්‍රනාන්දු මහතා පවසා ඇත්තේ මගේ ආධාරයට කොළඹින් පැමිණී පිරිසක් හාලිඇලදී ඔවුන්ට පහර දුන් බවයි. එහෙත් ඊයේ දිනයේදී පහරදුන් බවට නම් කර තිබුණේ අපගේ එක්සත් ජනතා නිදහස් සන්ධානයේ හාලිඇල ප්‍රාදේශීය සභා මන්ත්‍රීවරු සහ ආධාරකරුවන්ය.

තමන් විසින් කළ පහරදීමත්, නීති විරෝධීව පශ්චාත් මැතිවරණ සමයේ රංචුගැසී පෙළපාළි යෑමත් පෙරළා පහර කෑමත් සහ පළාත් සභා මැතිවරණය පරාජයත් හේතුවෙන් හරීන් ප්‍රනාන්දු මහතා වියරු වැටී දැන් මාධ්‍ය සන්දර්ශන පවත්වමින් සිටියි. එලෙසෙම එජාප පෙළපාලියක පැමිණියේ යැයි කියන පෞද්ගලික ගමනක් ගොස් හරීන් ප්‍රනාන්දු මහතාගේ නීති විරෝධි එජාප පෙළපාලිය සමඟ පැමිණි මාධ්‍යවේදියාත්, හිටපු එජාප ප්‍රාදේශීය සභා මන්ත්‍රී මාධ්‍යවේදියාත් මෙම අවාසනාවන්ත ගැටුම මාධ්‍යවේදීන්ට කළ පහරදීමක් ලෙස හුවා දක්වමින් සිටිති.
හරීන් ප්‍රනාන්දු මහතා නොදන්නා සරල අංක ගණිතය දන්නා ඕනෑම අයෙකුට වැටහෙන පරිදි ඌව පළාත් සභා මැතිවරණයෙන් එක්සත් ජනතා නිදහස් සන්ධානය යලිත් වරක් ජයග‍්‍රහණය කර තිබේ. හිටපු අමාත්‍ය රවි සමරවීර, හිටපු පාර්ලිමේන්තු මන්ත්‍රී උපාලි සමරවීර, හිටපු පාර්ලිමේන්තු මන්ත්‍රී හරීන් ප්‍රනාන්දු, හිටපු නියෝජ්‍ය අමාත්‍ය සචිත‍්‍රානන්ද, හිටපු මන්ත්‍රී වේලායුදන් මහතාගේ පුත් ඇතුලූ එජාපයේ ර්‍ණඒ” කණ්ඩායම සන්ධානයේ ර්‍ණබී” කණ්ඩායම විසින් පරාජය කර තිබේ.
මා දන්නා හරීන් මල්ලීටත් ජවිපෙටත් මේ සරල අංක ගණිතය වැටහෙන්නේ නැත. සංකීර්ණ වීජ ගණිත සූත‍්‍රයක බහා ඔවුහු පරාජය වසා ගන්නට තැත් කරති. මට හරීන් මල්ලීට පැවසීමට ඇත්තේ ඉතාමත් කෙටි කරුණකි. මම මාගේ දේශපාලන ජීවිතය තුලදීත් අපේ පක්ෂයත් දේශපාලන මැතිවරණ ජයග‍්‍රහණයන් පරාජයන් ලබා ඇත්තෙමු. හරීන් මල්ලී සිය ජීවිතයේදී දේශපාලනය පරාජය වූ විට කුඩාදරුවකු ලෙස කලබලයට පත්ව ඇත. දේශපාලනයේ අමිහිරි තිත්ත කසායේ රසය පරිනත දේශපාලනඥයෙකු විදිය යුතුමය. හරීන් මල්ලි දැන් පරාජය පිළිඅරගෙන ඌව පළාත් සභාවේ විපක්ෂ නායක ලෙස ගෞරවාන්විතව හැසිරෙමින් මීලඟ මහා මැතිවරණයේදී විපක්ෂ මන්ත්‍රීවරයෙකු ලෙස හෝ පාර්ලිමේන්තුවට පැමිණීමට උත්සහ ගත යුතුය. ඒ සඳහා වැඩිහිටියකු ලෙස දේශපාලනය දෙස බලමින්, හැසිරීමට ඉගෙනගත යුතුය. පරාජයේ පාඩම ඉගෙන ගැනීමට හරීන් මල්ලි යා යුත්තේ තමන්ගේම නායක රනිල් වික‍්‍රමසිංහ මහතා වෙතය. එතුමා පරාජයට පත්වූ පසු හැසිරෙන ආකාරය හරීන් මල්ලිට කියාදෙන බව මට විශ්වාසයි.
කෙසේ වෙතත් කව්රුන් ආරම්භ කර කව්රුන් අවසන් කළත්, කව්රු කාට අවශ්‍ය ආරක්ෂාව කඩිනමින් මේ දක්වා අඛණ්ඩව සපයා දුන්නේත් බදුල්ලේ අපි විසින් ගොඩනැගූ දේශපාලන සමගියයි. මිනිසුන් අතර සහෝදරත්වයක් තදින් ආරක්ෂා කරමින් ඒ පිළිබඳව විශ්වාසය තබන්නෙකු ලෙස මේ අවසනාවන්ත සිදුවීම අවංකවම හෙලා දකිමි. මොන පරමාර්ථයෙන් කාගේ පෙළපාලියේ ආවත් අප දන්නා හඳුනන මාධ්‍යවේදීන් දෙදෙනාට සිදුවූ අනතුරද ගැඹුරින් හෙලා දකිමි.
මෙවැනි නොමේරූ දේශපාලන ක්‍රියා ස්වයංව නිර්මාණය කර ගනිමින් ප්‍රතිප්‍රහාරයන්ට මුහුණ දීමට සිදුවන බව නොදැන අවසානයේ පළාගිය තත්වයක් යලිත් බදුල්ලේ පමණක් නොව කිසිදු ස්ථානයක සිදු නොවේවායි මමත් ශ්‍රී ලංකා නිදහස් පාක්ෂිකයන් ලෙසත් අපි සියලූ දෙනාත් අවංකවම ප්‍රාර්ථනා කරමු.


Category: Sinhala
Posted by: admin
ඔවුන්ගේ වැටුප් වැඩිකිරීම කාලෝචිතයි..
අමාත්‍ය බැසිල් රාජපක්ෂ මහතා......


20140804-img_9050.jpg


ශ‍්‍රී ලංකා විදේශ සේවා නියුක්ති කාර්යාංශයේ සියළුම ප‍්‍රාදේශීය කාර්යාල හා පුහුණු මධ්‍යස්ථානවලට iso 9001-2008 තත්ව සහතික හිමිවේ

ශ‍්‍රී ලංකා ආර්ථිකයේ වැඩිම විදේශ විනිමය දායකත්වය ලබාදෙන පිරිස අතර රටවිරුවන් ඉදිරියෙන්ම සිටින බව ආර්ථික සංවර්ධන අමාත්‍ය බැසිල් රාජපක්ෂ මහතා ප‍්‍රකාශ කරයි. එම නිසා මෙවැනි විශාල කාර්යයක් ඉටුකරන රට විරුවන් වෙනුවන් ඔවුන්ගේ වැටුප් ඉහළ නැංවීමට කටයුතු කිරීම කාලෝචිත බවද ඔහු සඳහන් කළේය. අමාත්‍ය බැසිල් රාජපක්ෂ මහතා මෙම අදහස් ප‍්‍රකාශ කළේ, ශ‍්‍රී ලංකා විදේශ සේවා නියුක්ති කාර්යාංශයේ සියළුම ප‍්‍රාදේශීය කාර්යාල හා පුහුණු මධ්‍යස්ථානවලට iso 9001-2008 තත්ව සහතිකය ලැබීම නිමිත්තෙන් සංවිධානය කර තිබූ උත්සවයකට සහභාගි වෙමින් තලවතුගොඩ ”ග‍්‍රෑන්ඞ් මොනාර්ක් ”හෝටලයේදීය.එය පසුගියදා (2014.08.01) පැවැත්විණි.එහිදී වැඩිදුරටත් අදහස් දැක්වූ ඔහු ප‍්‍රකාශ කළේ, ”ජනාධිපතිතුමා 2005 දී විදේශ රැකියා ක්ෂේත‍්‍රයේ තිබෙන වැදගත්කම පිළිබඳව හො`දින් අවබෝධ කරගෙන හිටිය නිසා වෙනම මහින්ද චින්තනයට විදේශ රැකියා සම්බන්ධ තීරණ තීන්දු ඇතුලත් කළා. එතුමා 1994 දී විදේශ සේවා කාර්යාංශය අයත්ව තිබූ කම්කරු අමාත්‍යංශය භාර අමාත්‍යතුමා ලෙස කටයුතු කළ නිසා විදේශ රැකියා පිළිබඳ හො`දින්ම දන්නවා.. එම නිසා 2005 දී එතුමා මහින්ද චින්තනය තුළ ඇතුලත් කළ තීන්දු ක‍්‍රියාත්මක කිරීමට අනුබල දුන්නා. අද රටවිරුවන්ගේ වැටුප් වැඩිකිරීම, නිවාස ප‍්‍රශ්නය විස`දිම,තරුණ තරුණියන්ට වෘත්තීය රැකියා ධනවත් රටවලින් ලබාදීම හො`දින් ක‍්‍රියාත්මක වන්නේ ඒ නිසයි. ඩිලාන් ඇමති තුමා කිව්වා රටවිරුවන්ගේ වැටුප් වැඩි කිරීම පිළිබඳව එය ඉතාම හොඳයි. අඩු ආදායම් ලාභී පවුල් න`ගා සිටුවීම සඳහා මහින්ද චින්තනයෙන් ලබා දෙන අගය ඉතාම ඉහළයි. රටවිරුවන් වගේම සංචාරක වෙළ`දුන්, පදික වෙළ`දුන්, කුඩා ලොරි රථ වෙළ`දුන් වැනි අඩු ආදායම් ලාභීන්ගේ ආර්ථිකය ශක්තිමත් වන්නට රජය විශාල වැඩකොටසක් ඉටු කළා. රටේ ආර්ථිකයට විශාල දායකත්වයක් ලබා දෙන්නේ මේ අයයි. හැබැයි ආර්ථික විද්වතුන් මෙම පිරිස ගැන කථා කළේ නැහැ. නමුත් ජනාධිපති තුමා මහින්ද චින්තනය යටතේ මෙම පිරිස හ`දුනාගෙන, ඔවුන් රටේ සංවර්ධනයට යොදා ගන්තා. අද ඒ නිසා ඒ අයගේ පවුලේ ආර්ථිකයත් සංවර්ධනය වෙලා. අද රජයේ ආයතන වල පිළිගැනීමට මෙම පිරිස ලක්වෙලා.” යනුවෙන්ද ප‍්‍රකාශ කළේය.
ලෝකයේ රට වලින් 80%-90% ත් අතර ප‍්‍රමාණයක් සංචාරක හා රැකියා ක්ෂේත‍්‍රයට සම්බන්ධ වී සිටින බවත්, එම නිසා මෙම ක්ෂේත‍්‍රයද ලෝකයේ අවධානයට ලක්වී තිබේ. එබැවින් එවැනි තත්වයන් තුළ විදේශ සේවා නියුක්ති කාර්යාංශයට iso තත්ව සහතිකය හිමිවීම අගය කරන බවද ඔහු වැඩිදුරටත් සඳහන් කළේය. මෙහිදී බැසිල් රාජපක්ෂ මහතා විසින් iso තත්ව සහතික ලබාගත් කාර්යාංශයේ ශාඛා කාර්යාල 30 ක නියෝජිතයන්ට එම සහතික හා සම්මාන පිරිනැමිණි. උත්සවයේදී අදහස් දැක්වූ විදේශ රැකියා ප‍්‍රවර්ධන හා සුභසාධන අමාත්‍ය ඩිලාන් පෙරේරා මහතා ප‍්‍රකාශ කළේ, මෙරට ආර්ථිකයට වැඩිම විදේශ විනිමය ගෙන එන ක්ෂේත‍්‍ර සම්බන්ධ අමාත්‍යංශයටත් , විදේශ සේවා නියුක්ති කාර්යාංශයේ ශාඛා සියල්ලටම iso තත්ව සහතිකය ලැබුනේ ලංකාවේ ප‍්‍රථම වතාවට බවයි.
”කොළඹ ක‍්‍රියාදාමය (Colombo Process) සංවිධානයේ සභාපතිත්වය ශ‍්‍රී ලංකාව දරණ බැවින්, iso සහතිකය ලැබීම විශාල ජයග‍්‍රහණයක්. මෙහි සාමාජික රටවල් අතරින් ඉදිරියට ඒමට අපට ඒ අනුව හැකි වුණා. ශ‍්‍රමිකයන්ගේ වැටුප් වැඩිකිරීම, ගුණාත්මක භාවය ඉහළ නැංවීම, ඉහළ ඉල්ලූම වැඩිකිරීමට මෙය හේතු වෙනවා. ලබන ඔක්තොම්බර් 01 වෙනිදා සිට ගෘහ පාලන සහායිකාවන්ගේ අවම වැටුප ඇමෙරිකන් ඩොලර් 350 දක්වා වැඩි කරනවා. දැනටමත් රටවල් කැමැත්ත පලකළා. මෙය පිලිපීනයේ විදේශ ශ‍්‍රමිකයෙක් ලබා ගන්නා වැටුපට සමාන වෙනවා. රටේ ආර්ථිකයට අඩුවෙන් ආයෝජනය කර වැඩිම මුදලක් විදේශ විනිමය ලෙස ගෙන එන්නේ මෙම ක්ෂේත‍්‍රයයි. එම නිසා මෙම ක්ෂේත‍්‍රයේ අනාගත සුරක්ෂිතතාවය වෙනුවෙන් තවත් වැඩසටහන් රැසක් අපි ක‍්‍රියාත්මක කරනවා. ආර්ථික සංවර්ධන අමාත්‍යංශය සම`ග එකතු වී දිවි නැ`ගුම ව්‍යාපෘතිය යටතේ රටවිරුවන්ගේ ස්වයං රැකියා සඳහා විශේෂ වැඩපිළිවෙලක් දැනටමත් ක‍්‍රියාත්මක වෙනවා. රටවිරු සංවිධාන හරහා තවත් වැඩසටහන් අපි දියත් කරනවා.” යනුවෙන් ද ඩිලාන් පෙරේරා මහතා ප‍්‍රකාශ කළේය.
එක්සත් ජාතික පක්ෂ රජය සමයේ කාන්තාවන් 80%ක් පමණ ගෘහසේවිකාවන් ලෙස විදේශ ගත වුවද, අද වන විට එය 33% දක්වා පහතට ගෙන ඒමට හැකි වූ බවද ඔහු සඳහන් කළේය. එහෙත් එයට සාපේක්ෂව වෘත්තීය රැකියා සඳහා පිරිමි හා කාන්තාවන් විදේශ ගත කිරීම ඉහළ නැංවීමට හැකි වූ බවද, අමාත්‍යවරයා පෙන්වා දුන්නේය. මෙහිදී විදේශ රැකියා ප‍්‍රවර්ධන හා සුභසාධන අමාත්‍ය ලේකම් කර්නල් න්ශ්ශංක එන් විජේරතන, කාර්යාංශයේ සභාපති අමල් සේනාලංකාධිකාර, ශ‍්‍රී ලංකා ප‍්‍රමිති කාර්යාංශයේ සභාපති ආචාර්ය කීර්ති දිසානායක යන මහත්වරුන්ද කථා කළහ.



Category: Sinhala
Posted by: admin
ආගමට මුවාවෙන් අන්තවාදින් උම්බෑ කිව්වට, අපි බුරන්නේ නෑ...
83 අන්තවාදී කළු ජූලිය නැවත ඇති කරන්න එපා...
මුස්ලිම් ප‍්‍රජාවත් අපි සමඟයි...
ඩිලාන්ගෙන් බදුල්ලට සර්ව ආගමික බලසේනාවක්...


ආගමට මුවා වී අන්තවාදීන් ලෙස හැසිරෙමින් රටක් විනාශ කිරීමට කිසිම බලසේනාවකට ඉඩ ලබානොදෙන බවත්, එවැනි අන්තවාදීන්ට හොඳම පාඩම බදුල්ලෙන් උගන්වන බවත්, විදේශ රැකියා ප‍්‍රවර්ධන හා සුභසාධන අමාත්‍ය ඩිලාන් පෙරේරා මහතා ප‍්‍රකාශ කරයි. ” ඕනෑම ආගමක බලසේනා බලන්න බදුල්ලට එන්න ඕනි. ආගමික සහජීවනය අපේ රටේ නෑ කියන්නෙ කවුද... බොදුබල සේනා, කතෝලික බල සේනා, ඉස්ලාම් බල සේනා, හින්දු බල සේනා බලන්න ඕනි නම් බදුල්ලට එන්න.. මේ අය තමයි නියම මනුෂ්‍යත්වයේ බල සේනාවන්.” යයිද අමාත්‍යවරයා ප‍්‍රකාශ කළේ, බදුල්ල වීල්ස් පාර්ක් කි‍්‍රඩාංගනයේදී පැවති ඉෆ්තාර් උත්සවයට එක් වෙමිනි.
මෙම උත්සවය හාලිඇල මුස්ලිම් නොවන ජනතාව සංවිධානය කර තිබීම විශේෂත්වයකි. සියළුම ආගම් නියෝජනය කරමින්, මෙම අවස්ථාවට ආගමික නායකයින්ද එක්වී සිටියහ. එහිදී වැඩිදුරටත් අදහස් දැක්වූ අමාත්‍යවරයා, ”එකිනෙකාට ගරු කරමින්, තමන්ගේ ආගම නිවැරදිව අනුගමනය කරන අය තමයි ඉෆ්තාර් උත්සවයට එක්වෙන්නේ. අපි දන්නවා ජූලි මාසේ 23 කාලකන්නි දවසක්. එදා කළු ජූලිය ඇතිවුනේ, ආගමික අන්තවාදීන් නිසායි. එවැනි අන්තවාදී ගැටුම් යලි ඇතිවෙන්න අපි ඉඩ නොදී ඉන්න උත්සහ කරන්න ඕනි. අපි සියළු දෙනා මේ රටේ මිනිසුන් ලෙස සහජීවනයෙන් ජීවත්වෙන්න ඕනි. ප‍්‍රභාකරන් තමන්ගේම මතය වැරදි විදිහට පතුරුවන්න ගිහින් යුද්ධයක් ඇති කළා. අන්තිමට ප‍්‍රභාකරන්ට මරණය හිමිවුනා. කවදාවත් අන්තවාදීන්ට ජයග‍්‍රහණය කරන්න බෑ. කිසිම ආගමක් කියන්නේ නෑ අනිත් අය පාගාගෙන නැගිටින්න කියලා. තමන්ගේ ආගමේ දර්ශනය වැරදි විදිහට අන් අයට පෙන්වනවා. තමන්ට අභිමත පරිදි ආගමික දර්ශනය වෙනස් කරගෙන වැරදි විදිහට දේශනා කරන අය ඉන්නවා. ඒ අය ඉක්මණින් හඳුනා ගන්න පුළුවන්. මිනිස්සු වුනාම කථාකරන්න ඕනි. සමහර අය කථා කරනවා කියලා බුරන එක කරන්නේ. උම්බෑ කියනවා වගේ ඇහෙන්නේ.. අපි මිනිස්සු විදිහට බුරන්නේ නෑ. බලසේනාවල අය බිරුවට අපි බුරන්නේ නෑ.”
මෙවර ඉෆ්තාර් උත්සවය බදුල්ලේදී පැවැත්වීමට සියළු කටයුතු සුදානම් කලේ, හාලිඇල මුස්ලිම් නොවන අන්‍ය ආගමික ප‍්‍රජාව වන අතර, මේ සඳහා විශාල පිරිසක්ද එක්වී සිටියහ. මෙහිදී අමාත්‍ය ඩිලාන් පෙරේරා මහතා විසින් උපවාසය අත්හැරීම සනිටුහන් කරමින් මුස්ලිම් ජනතාව සමග ආහාර භුක්තිවිඳීමද සිදුකල අතර, ආගමික නායකයින්ද උත්සවය අමතා කථාකළහ.


20140721-af12.jpg

20140721-af13.jpg

20140721-af14.jpg



Category: Sinhala
Posted by: admin
දකුණු සුඩානයේ ඇති වී තිබූ දේශපාලන අස්ථාවරත්වය හේතුවෙන් තාවකාලිකව එරටට ශ්‍රී ලාංකික ශ්‍රමිකයින් යැවීම අත්හිටවූ අතර යලිත් හෙට සිට ශ්‍රී ලාංකික ශ්‍රමිකයින් රැකියා සඳහා යැවීමට ශ්‍රී ලංකා විදේශ සේවා නියුක්ති කාර්යාංශය තීරණය කර ඇත.
පසුගිය මාස කිහිපය තුළ දකුණු සුඩාන රජය හා කැරලි කණ්ඩායම් අතර ඇතිව තිබූ ගැටුම්කාරී තත්වය නිසා ශ්‍රී ලාංකික ශ්‍රමිකයින් රැකියා සඳහා යැවීම තාවකාලිකව අත්හිටුවීමට විදේශ රැකියා ප්‍රවර්ධන හා සුභසාධන අමාත්‍ය ඩිලාන් පෙරේරා මහතා විසින් කාර්යාංශයට උපදෙස් දී තිබිණි. ඒ අනුව විදේශ සේවා නියුක්ති කාර්යාංශය විසින් දකුණු සුඩානයේ රැකියා සඳහා ශ්‍රී ලාංකික ශ්‍රමිකයින්ට ලබාදෙන ලියාපදිංචිය තාවකාලිකව අත්හිටුවා තිබිණි.
එහෙත් මේවන විට දකුණු සුඩානයේ රජය හා කැරලිකරුවන් අතර සාමකාමී වාතාවරණයක් උදාවී තිබීම හේතුවෙන් එසේ තාවකාලිකව අත්හිටුවා තිබූ ලියාපදිංචිය නැවත කි‍්‍රයාත්මක කරන ලෙස අමාත්‍ය ඩිලාන් පෙරේරා විසින් උපදෙස් ලබා දී තිබේ. ඒ අනුව කිසිඳු බාධාවකින් තොරව හෙට සිට යළිත් දකුණු සුඩානයේ රැකියා සඳහා ශ්‍රී ලාංකික ශ්‍රමිකයින්ට පිටවීමට අවසර හිමිවේ.
දකුණු සුඩානයේ ශ්‍රී ලංකා තානාපති කාර්යාලයක් නොමැති හෙයින් එහි කටයුතු උගන්ඩා තානාපති කාර්යාලය හරහා සිදු කෙරෙන බව විදේශ සේවා නියුක්ති කාර්යාංශය අවධාරණය කරයි. එහෙත් දකුණු සුඩානයේ යලිත් ගැටුම්කාරී හදිසි තත්වයක් ඇතිවුවහොත් ඒ පිලිබඳව නිරන්තර අවධානයෙන් පසුවන බව කාර්යාංශය නිවේදනය කරයි.


Category: Sinhala
Posted by: admin
මේ වසරේදී ගෘහ සේවිකාවන් රට යැවීම තවත් අඩු කරනවා
ඇමති ඩිලාන් කියයි.


විදේශ ගත ශ්‍රී ලාංකික ශ්‍රමිකයින් වෙනුවෙන් 2014 වසරේදී ලබාදෙන සේවාවන් තවත් වැඩි කිරීමටත්, ව්‍යාප්ත කිරීමටත් පියවර ගන්නා බව, විදේශ රැකියා ප්‍රවර්ධන හා සුභසාධන අමාත්‍ය ඩිලාන් පෙරේරා මහතා ප්‍රකාශ කරයි. 2012 වර්ෂයේදී ඔවුන් වෙනුවෙන් විශාල සේවාවන් රැසක් ඉටු කිරීමට තමන්ට හැකි වූ බවත්, ඒ සඳහා සහය දැක්වූ සැමට ගෞරවය හිමිවන බවත් ප්‍රකාශ කළේය. අමාත්‍යවරයා මෙම අදහස් ප්‍රකාශ කළේ, නව වසරට සුභපැතීම සඳහා ඊයේ කාර්යාංශයේදී පැවති උත්සවයකට සහභාගි වෙමිනි.

එහිදී වැඩිදුරටත් අදහස් දැක්වූ ඔහු ප්‍රකාශ කළේ, 2012 වර්ෂයේදී කාන්තාවන් විශේෂයෙන් ගෘහ සේවිකාවන් විදේශ ගත කිරීම සඳහා ක්‍රියාත්මක කළ වැඩසටහන් වල ප්‍රතිඵලයක් ලෙස 2012 වර්ෂයට සාපේක්‍ෂව 2013 වර්ෂයේදී කාන්තාවන් විදේශ ගතවීම 20937 කින් පමණ අඩුවී තිබෙන බවයි. ඒ අනුව අදාළ කාලය හා සැසඳීමේදී 2013 වර්ෂයේදී පිරිමි ශ්‍රමිකයින් 30146 දෙනෙකු වැඩියෙන් විදේශ ගතවී තිබෙන බවද ඔහු සඳහන් කළේය. (2013 වසරේ පිරිමි ශ්‍රමිකයින් විදේශ ගතවීම 143784, 2013 වසරේ පිරිමි ශ්‍රමිකයින් විදේශ ගතවීම 173930) 2013 වර්ෂයේදී රටවිරුවන්ගෙන් ශ්‍රී ලංකාවට රුපියල් කෝටි 80,000 ක් ලැබී තිබේ. මෙය 2012 වර්ෂය හා සැසැඳීමේදී රුපියල් කෝටි 12000 ක පමණ ඉහළ යාමකි. ශ්‍රී ලංකාවේ සංවර්ධනය සඳහා මෙලෙස සුවිශාල දායකත්වයක් ලබාදෙන ක්ෂේත්‍රය පිළිබඳව ජනමාධ්‍ය ඉහළ ප්‍රතිචාරයක් දක්වන බවත්, ඒ වෙනුවෙන් ජනමාධ්‍යට තමන් මේ අවස්ථාවේදී ස්තූතිවන්ත වන බවද අමාත්‍යවරයා ප්‍රකාශ කළේය. කෙසේ වුවද ඇතැම් ප්‍රවෘත්ති මගින් මෙම ක්ෂේත්‍රයේ යහපත් තත්වය පිළිබඳව ජනතාව වැරදි අවබෝධයක් ලබා ගන්නා බවද ඔහු සඳහන් කළේය.

2014 වර්ෂයේදී රටවිරුවන් වෙනුවෙන් සුභසාධන පහසුකම් වැඩි කිරීම සඳහා වැඩියෙන් මූල්‍ය ප්‍රතිපාදන වෙන් කිරීමට උපදෙස් ලබාදී ඇති බවත්, රටවිරු නිවාස ව්‍යාපෘතිය තවදුරටත් එමගින් දීප ව්‍යාප්තව සිදුකරන බවද අවධාරණය කළේය. එතෙර තානාපති සේවාවල, විදේශ ගත ශ්‍රමිකයින්ට ලබා දෙන සේවාවන් තවදුරටත් පුළුල් කිරීමටත්, ඒ සඳහා අවශ්‍ය නිළධාරීන් පත් කිරීමටත් කටයුතු කරන බවද ප්‍රකාශ කළේය. කෙසේ වුවද මෙවැනි කාර්යයන් වලදී කාර්යාංශයේ ඇතැම් සේවක සංගම් වලින් යහපත් ප්‍රතිචාර නොලැබුනද රටවිරුවන් වෙනුවෙන් ඒ සියළු බාධක ජයගෙන, ජනාධිපතිතුමාගේ මහින්ද චින්තන ඉදිරි දැක්ම සක්‍රිය කිරීමට තම උපරිම කැපවීම 2014 වර්ෂය තුළදී ද යොදවන බව අමාත්‍යවරයා සඳහන් කළේය. මෙහිදී කාර්යාංශයේ සියළුම අංශවල සේවාවන් ලබාගත හැකි දුරකථන නාමාවලිය අමාත්‍යතුමාට භාරදීම කාර්යාංශයේ සාමාන්‍යාධිකාරී හරිස්චන්ද්‍ර බටගොඩ මහතා විසින් සිදුකරන ලදී. මෙහිදී අමාත්‍යංශයේ ලේකම් කර්නල් නිශ්ශංක එන් විජේරත්න, සභාපති අමල් සේනාලංකාධිකාර යන මහත්වරුන්ද අදහස් දැක්වූහ.

20140102-adedf.jpg

20140102-img_news.jpg





Category: Sinhala
Posted by: admin
ඊට අමතරව විදේශ රැකියාවන්හි නිරත ශ්‍රී ලාංකිකයන් සහ ඔවුන්ගේ දූ දරුවන් වෙනුවෙන් වෙනමම රටවිරු විශ්ව විද්‍යාලයක් ආරම්භ කිරීමටද පියවර ගන්නා බවද විදේශ රැකියා ප්‍රවර්ධන හා සුබසාධන ඇමැති ඩිලාන් පෙරේරා මහතා පවසයි. ලෝක වෙළෙදපොළට තරගකාරී ලෙස පිවිසීම සඳහා ඒ ඒ රටවල භාවිතා කරන භාෂාව සහ සංස්කෘතිය මෙන්ම පරිගණක දැනුම අත්‍යවශ්‍ය බව පෙන්වාදෙන ඇමැතිවරයා ඒ අනුව මේ පියවර ගන්නා බවද එය කඩිනමින් සිදුකරන බවද කියාසිටී. ජාත්‍යන්තර කම්කරු සංවිධානයේද සහයෝගය ඇතිව මේ වනවිට නව භාෂා බහුමාධ්‍ය පුහුණු මධ්‍යස්ථානයක් රත්මලානේ ස්ථාපිත කර තිබෙන අතර එහිදී ඉංග්‍රීසි භාෂාව ඉගැන්වීමට අමතරව පරිගණක තාක්ෂණයෙන් සහ බහුමාධ්‍ය භාවිතයෙන් අධ්‍යයන කටයුතු සිදුකෙරේ. සිංගප්පූරුව, සයිප්‍රසය, හොංකොං රටවල රැකියා සඳහා පිටත්ව යන ශ්‍රමිකයන්ට දින 15 ක පුහුණුවක් මෙහිදී ලබාදෙන අතර නේවාසික අධ්‍යයන කටයුතුද සිදුකෙරේ. මෙහිදී එකවර 75 දෙනෙකුට පහසුකම් ලබාගැනීමේ හැකියාව පවතී.

මූලාශ්‍ර: http://www.dinamina.lk/2013/11/21/_art.asp?fn=n13112113


Category: Sinhala
Posted by: admin
රාජ්‍යතාන්ත්‍රික ගිවිසුම් කෑගහලා වෙනස් කරන්න බෑ...
කොරියානු රැකියා ලැබෙන්නේ E-9 වීසා ක්‍රමයට පමණයි...
ඒත් දැන් අයිතිකාරයෝ හැමතැනම
ඇමති ඩිලාන් පෙරේරා අවධාරණය කරයි


දකුණු කොරියාවේ ධීවර අංශයේ රැකියා සඳහා තෝරාගන්නේ භාෂා පරීක්ෂණයෙන් සමත් අය පමණක් බවත් එය E-9 වීසා ක්‍රමය යටතේ ශ්‍රී ලංකා රජය හා දකුණු කොරියානු රජය අතර ඇති කරගත් අවබෝධතා (MOU) ගිවිසුමට අනුව පමණක් බවත් විදේශ රැකියා ප්‍රවර්ධන හා සුභසාධන අමාත්‍ය ඩිලාන් පෙරේරා මහතා අවධාරණය කරයි. ඔහු මෙම අදහස් පළකළේ ජාත්‍යන්තර සංක්‍රමණික සංවිධානයේ (IOM) ආධාර මඟින් ආරම්භ කරන ලද නව විදේශ භාෂා බහුමාධ්‍ය පුහුණු මධ්‍යස්ථානය විවෘත කිරීමේ අවස්ථාවට එක්වෙමිනි. එය රත්මලානේ පිහිටුවා තිබේ. මෙම භාෂා පුහුණු මධ්‍යස්ථානය මඟින් ඉංග්‍රිසි භාෂාව ඉගැන්වෙන අතර, පරිගණක තාක්ෂණයෙන් හා බහුමාධ්‍ය භාවිතයෙන් අධ්‍යන කටයුතු සිදුකෙරේ. මෙයට අමතරව පරිගණක සාක්ෂරතාව වර්ධනය කිරීම සඳහා පාඨමාලා මෙහිදි පැවැත්වේ. සිංගප්පූරුව, සයිප්‍රස්, හොංකොං රැකියා සඳහා පිටවන ශ්‍රමිකයින්ට මෙහිදී දින 15ක ඉංග්‍රිසි භාෂාව හා පරිගණක පුහුණුව ලබාදේ. නේවාසිකව මෙහිදී අධ්‍යන කටයුතු සිදු කෙරෙන අතර එකවර සිසුන් 75 කට පමණ පහසුකම් සැපයේ.
එහිදී වැඩිදුරටත් අදහස් දැක්වූ අමාත්‍යවරයා මෙසේද පැවසීය. “ අපි මේවගේ වැඩ ආරම්භ කරන කොට වැඩිය ප්‍රසිද්ධ කරන්නේ නෑ. එහෙම කරන්න ගියාම ඇතැම් අය ඒකෙන් අයුතු ප්‍රයෝජන ගන්නවා. දකුණු කොරියාවේ ධීවර අංශයේ රැකියා සඳහා අපි එරට රජයත් මගේ අමාත්‍යංශයත් අතර ඇති කරගත් ගිවිසුමක් තියෙනවා. රැකියා බලපත්‍ර ක්‍රමය යටතේ (Korean Job Permit System) E-9 වීසා වලින් පමණයි කොරියාවේ රැකියාවලට යන්න පුළුවන්. කොරියාවේ රැකියා සඳහා බඳවා ගැනීමේ සම්පූර්ණ බලය තියෙන්නේ මගේ අමාත්‍යංශයට හා විදේශ සේවා කාර්යාංශයට පමණයි. වෙන කිසිම ආයතනයකට හෝ සමිතියකට පුද්ගලයෙකුට බලය නැහැ. ගිවිසුමේ තියෙන්නේ එහෙමයි. නමුත් මේ ළඟදී ඉඳන් පිරිසක් බුරනවා, උම්බෑ ගානවා. ධීවර රැකියා ඩිලාන්ට දෙන්න බෑ කියලා. ඒවා අයිති අපට කියලා බුරනවා. එහෙම බිරුවට උම්බෑ ගෑවට රාජ්‍යතාන්ත්‍රික ගිවිසුමක් වෙනස් කරන්න බෑ. ධීවර අංශයේ රැකියා සඳහා මෙවර තෝරා ගන්නා තරුණ තරුණියන්ට කොරියාවේ රැකියා සඳහා යන්න ඉඩ දෙන්නේ නෑ කියලා එක මනුස්සයෙක් බුරනවා. හැබැයි E-9 වීසා ක්‍රමය යටතේ මේ තෝරා ගන්නා සුදුසුකම් තියෙන තරුණ තරුණියන්ට කොරියාවේ රැකියා ලැබෙන එක කාටවත් නවත්තන්න බෑ. ඒකට මම ඉඩ දෙන්නේ නෑ. ජනාධිපතිතුමා තමයි කොරියාවේ රැකියා ලංකාවට ගෙනාවේ. එහෙම නම් කාටවත් බෑ මේ රැකියා ක්‍රමය කඩාකප්පල් කරන්න. ධීවර සමිතිවලට බෑ කොරියානු රජයේ ප්‍රතිපත්ති වෙනස් කරන්න. ධීවර අංශයේ තරුණයින් මට කථාකරලා කියනවා ඔවුන් සම්පූර්ණ සහය මට ලබා දෙනවා කියලා.
ධීවර අංශයේ රැකියා දෙන්න ඩිලාන්ට අයිතියක් නෑ, ඒකෙ අයිතිය තියෙන්නේ අපිටයි කියන අයගේ ලේකම්ලා, නැන්දලා, මාමලා මේ අහිංසක තරුණ තරුණියන්ව E-10 වීසා ක්‍රමයට එනම් භාෂා පරීක්ෂණයකින් තොරව රැකියා සඳහා යවනවා කියලා සල්ලි වංචා කරනවා. ඒ ගැන මට වාර්ථා ලැබිලා තියෙනවා. E-10 වීසා ක්‍රමයක් තවම ක්‍රියාත්මක නෑ. එහෙම ක්‍රියාත්මක උනත් ඒකෙ වගකීම මගේ අමාත්‍යංශයට පමණයි තියෙන්නේ. මේ විදිහට මුදල් වංචා කරන අයට අහුවෙන්න එපා කියලා මම ධීවර තරුණයින්ගෙන් ඉල්ලා සිටිනවා. E-9 වීසා ක්‍රමයට මෙවර විභාගයෙන් අපට රැකියා 960 ක් ලැබිලා තියෙනවා. කාටවත් සල්ලි දෙන්න එපා. විභාගයෙන් පාස් නම් කොරියාවේ යන්න පුළුවන්. මම ඒක කරලා දෙනවා.” යනුවෙන්ද අමාත්‍යවරයා ප්‍රකාශ කළේය.




Category: Sinhala
Posted by: admin
-ඇමති ඩිලාන්

ශ්‍රී ලංකාවට වැඩියෙන්ම විදේශ විනිමය ගෙන එන්නේ විදේශගත ශ්‍රමිකයින් බවත් නමුත් ඔවුන් මීට පෙර නිසි පිළිගැනීමක් නොලද බවත් විදේශ රැකියා ප්‍රවර්ධන හා සුභසාධන අමාත්‍ය ඩිලාන් පෙරේරා කියා සීටී. ඔහු මෙම අදහස් පළකළේ ඊයේ හාලිඇලදී 8 වැනි රටවිරු පරිගණක විද්‍යාගාරය විවෘත කිරීමේ අවස්ථාවට එක් වෙමිනි. වැඩිදුරටත් අදහස් දැක්වූ ඔහු කියා සිටියේ,
“ආකල්ප වෙනස් කර ඉදිරියට යන්න නම් නවීන තාක්‍ෂණය භාවිතා කරන්න ඕනේ. අපේ රටට වැඩියෙන්ම විදේශ විනිමය ගෙනෙන අය ගැන ලංකාවේ එතරම් පිළිගැනීමක් තිබුනේ නෑ. වැරදි ආකල්පයක් තිබුනේ. ඒත් ලංකාවට වැඩියෙන්ම විදේශ විනිමය ගේන්නේ ඒ අය. ඒ නිසයි අපි ඒ අයට රටවිරුවෝ කියලා සමාජගත කළේ. එදා සාම්ප්‍රදායික කෘෂි අපනයන භෝගවලට තිබුන තැන අද රටවිරුවන්ට හිමිවෙලා. ගිය වසරේ ඩොලර් බිලියන 6ක් වූ තෙල් මිල ගෙව්වේ මොවුන් ගෙනා සල්ලි වලින්. මේ රටවිරුවන් අපි 365 දවස පුරා අගයන්න ඕනේ.”
“අද තරුණ පරපුර නවීන තාක්‍ෂණය භාවිතා කරනවා. සෑම තරුණයෙක් අතම ජංගම දුරකථන, ටැබ් වගේ නවීන තාක්‍ෂණික උපකරණ තියෙනවා. හැබැයි ඔවුන්ට ඒවා තමන්ගේ උවමනාවන් සඳහා භාවිතා කරන්න උපදෙස් දීලා නෑ. රට ඉන්න අම්මට කතා කරන්න IDD වලට ලොකු ගාස්තුවක් ගෙවන කොට Skype Facebook හරහා නොමිලේ පිටරට ඉන්න දෙමාපියන්ට කථා කරන්න වැඩපිළිවෙලක් යොදන්න ඕනි. ඒ නිසයි මේ ආකාරයට පරිගණක විද්‍යාගාර රටවිරු දරුවන් වෙනුවෙන් ඉදි කරන්න මම යෝජනා කළේ. අදවන විට දිවයින පුරා මෙම විද්‍යාගාර 8ක් පිහිටුවා තිබෙනවා. ” ඉදිරියේදී දිවයිනේ අනෙකුත් ප්‍රදේශවලද රටවිරු පරිගණක විද්‍යාගාර ඉදිකිරීමට තමන් අදහස් කරන බව අමාත්‍යවරයා සඳහන් කලේය.
අවුරුද්දකට ඩොලර් බිලියන 6ක් පමණ එවන රටවිරුවන් වෙනුවෙන් ඔවුන්ගේ දූ දරුවන්ට අංග සම්පූර්ණ පරිගණක විද්‍යාගාර ඉදි කිරීමට වැයකරන මුදල් නාස්තියක් නොව දැනුමේ කේන්ද්‍රස්ථානය බවට ශ්‍රී ලංකාව පත්වීමේ ගමන්මගට ලබාදෙන ශක්තියක් බවද හෙතෙම කියා සිටියේය.
විදේශ රැකියා ලාභීන් හා ඔවුන්ගේ දූ දරුවන් වෙනුවෙන් තොරතුරු තාක්‍ෂණ දැනුම ලබා දීම සඳහා ශ්‍රී ලංකා විදේශ සේවා නියුක්ති කාර්යාංශය හා මයික්‍රොසොෆ්ට් ආයතනය මගින් අමාත්‍ය ඩිලාන් පෙරේරාගේ උපදෙස් පරිදි ඉදිකල 8වන රටවිරු පරිගණක විද්‍යාගාරය ඊයේ (28) බදුල්ල හාලිඇල ප්‍රාදේශීය සභා සංකීර්ණයේදී විවෘත විය. මෙම පරිගණක විද්‍යාගාරය මගින් විදේශ රැකියා සඳහා පැමිණෙන ශ්‍රමිකයින්ට හා විදේශ රැකියාවල නිරත වූවන්ගේ දූ දරුවන්ට නොමිලේ පරිගනක සාක්‍ෂරතාව වර්ධනය කර ගැනීමට පහසුකම් සලසා ඇත. මෙහි පරිගණක 10 ක් පමණ ස්ථාපනය කර ඇති අතර අන්තර්ජාල පහසුකම්ද ඇතුළුව තොරතුරු හුවමාරු කර ගැනීමේ නවීන ක‍්‍රමවේද හා මූලික පරිගණක පාඨමාලාවන් හැදෑරීමට පහසුකම් සලසා ඇත.
මෙහිදී සමෘද්ධි සංවර්ධන බැංකුව මගින් රටවිරුවන් 12 දෙනෙකුට නිවාස ණය හිමිකම්පත්‍ර පිරිනමන ලදී. ආගරපතන දෙමළ විදුහලට පරිගණයක් ප්‍රදානය කිරීමද මෙහිදී සිදුවූ අතර මෙම අවස්ථාවට මයික්‍රොසොෆ්ට් ආයතනයේ ශ්‍රී ලංකා කළමනාකාරිනී ජානකී කරුණාරත්න හා ශ්‍රී ලංකා මත්ද්‍රව්‍ය විරෝධීන්ගේ සංගමයේ අධ්‍යක්‍ෂක දර්ශිකා ගුණමිණිගොඩ, ඌව පලාත් සභා මන්ති‍්‍ර නිලමේ වික‍්‍රමරත්න, විදේශ සේවා නියුක්ති කාර්යාංශයේ නියෝජ්‍ය සාමාන්‍යාධිකාරී (පුහුණු හා බඳවා ගැනීම්) උදිත රෝහණ යන මහත්වරුන්ද එක්වී සිටියහ.
ඡායාරූපයේ දැක්වෙන්නේ පාසැල් සිසුවියක් කුවේට්හි සිටින තම පියා Skype මාර්ගයෙන් අමතන අයුරුයි. අමාත්‍යවරයාද පසෙකින් සිටියි.

20131029-img_4493.jpg

20131029-img_4470.jpg

20131029-img_4709.jpg



Category: Sinhala
Posted by: admin
විපක්‍ෂයට හැමදේම පේන්නේ හරහට...
ඇමති ඩිලාන් කියයි.

ශ‍්‍රි ලංකාව වර්තමානය වන විට මධ්‍ය ආර්ථික සංවර්ධිත රටක් බවට පරිවර්ථනය වී ඇති බවත් එම සංවර්ධනය දෙස සුභවාදීව බැලීමට විපක්‍ෂය උත්සහ කළ යුතු බවත් විදේශ රැකියා ප‍්‍රවර්ධන හා සුභසාධන අමාත්‍ය ඩිලාන් පෙරේරා මහතා අවධාරණය කරයි. මහින්ද රාජපක්‍ෂ ජනාධිපතිතුමා 2005 වසරේ මේ රටේ අනාගතය භාර ගැනීම නිසා යුද්ධය අවසන් කර රට සංවර්ධිත මාවතකට යොමු කොට තිබෙන මොහොතක සියලූදෙනා ඊට සහයෝගය ලබා දිය යුතුබව ඔහු සඳහන් කළේය. අමාත්‍යවරයා මේ අදහස් පළ කළේ හාලිඇල ඇල්ලේවෙල හන්දියේ සිට කොස්ගොල්ල දෙහිවින්න පන්සල පාර ප‍්‍රතිසංස්කරණය කර විවෘත කිරීමේ අවස්ථාවට එක් වෙමිනි. ඒ සඳහා රුපියල් එක් කෝටි විසි දෙලක්‍ෂයක් වැය වී තිබේ. මෙම මාර්ගයෙන් ප‍්‍රතිලාභ ලබන පවුල් ගණන 600 කි.
එහිදී වැඩිදුරටත් අදහස් දැක්වූ ඩිලාන් පෙරේරා මහතා ප‍්‍රකාශ කළේ රටේ සංවර්ධනය සෑම ගම් දනව්වකම සිදුවන බවයි. අති දුෂ්කර යැයි හැඳින්වූ බදුල්ල දිස්ති‍්‍රක්කයේ සෑම මැතිවරණ කොට්ඨාශයකම සංවර්ධන කටයුතු සිදුකෙරෙන බවත්, ජනාධිපතිතුමා බදුල්ල දිස්ති‍්‍රක්කයට විශේෂ අවධානය යොමු කිරීම මෙහි ජනතාවට කළ ගරු කිරීමක් බවද සඳහන් කළේය. අද රටේ සංවර්ධනය සඳහා විදේශ රැකියා ලාභීන් හෙවත් රට විරුවන් ඍජුවම දායක වන අතර, ඔවුන් මෙරටට එවන විදේශ විනිමය ප‍්‍රමාණය දිනෙන් දිනම වැඩිවන බවද සඳහන් කළේය. අපේ විදේශ විනිමය සංචිතය ඉහළයාම නිසා සංවර්ධන කටයුතු සිදු කිරීමට එම මුදල් යෙදවීමට හැකිවී ත්බේ. වාර්ෂිකව රටවිරුවන් විසින් ඇමරිකන් ඩොලර් බිලියන 6ක් පමණ එවන අතර 2012 වර්ෂයේ අගෝස්තු මාසයේදී රටවිරුවන්ගේ විදේශ විනිමය පේ‍්‍රෂණ 17% න් වර්ධනය වී ඇති බවද සඳහන් කලේය. 2012 වර්ෂයේ අගෝස්තු මාසයේදී ඇමරිකන් ඩොලර් බිලියන 475ක් වූ විදේශ විනිමය පේ‍්‍රෂණ මේ වසරේ අගෝස්තු මාසයේදී ඩොලර් මිලියන 559 දක්වා ඉහළ ගොස් තිබේ.
මෙයට අමතරව 2012 වර්ෂයේ පළමු මාස 7ට සාපේක්‍ෂව මේ වසරේ පළමු මාස 7දී රටවිරුවන්ගෙන් මෙරටට ලැබුනු විදේශ විනිමය ප‍්‍රමාණය 10.1 % කින් වර්ධනය වී ඇති බවත්, එය ඇමරිකන් ඩොලර් මිලියන 3763 දක්වා වර්ධනය වී ඇති බවද ඩිලාන් පෙරේරා මහතා මෙහිදි වැඩිදුරටත් අවධාරණය කලේය.

20131017-dehiwinna_para_open.jpg

20131017-ella_dehiwinna_para_01.jpg


ඡායාරූප-
1. අමාත්‍යතුමා පීත්ත පටිය කපා හාලිඇල කොස්ගොල්ල දෙහිවින්න පන්සල පාර විවෘත කළ අයුරු දැක්වේ

2. ඇටම්පිටිය දෙහිවින්න පාර සඳහා මුල්ගල තැබිම.

මෙම අවස්ථාව සඳහා ඌව පලාත් සභා මන්ති‍්‍ර නිලමේ වික‍්‍රමරත්න ඇතුළු විශාල පිරිසක් එක්වී සිටියහ.



Category: Sinhala
Posted by: admin
ලක්‍ෂ 17ක් වූ රටවිරුවන්ට කාර්ය මණ්ඩලය ඉන්නේ 1000ක් විතරයි...
ඔවුන්ගේ සේවය අගය කරනවා...
කාර්යාංශ කාර්ය මණ්ඩලයට ප‍්‍රවාහන පහසුකම් ලබා දෙමින්
ඇමති ඩිලාන් අවධාරණය කරයි...

ලක්‍ෂ 17ක් පමණ වු විදේශ ගත ශ‍්‍රමිකයින් වෙනුවෙන් සියලූ කටයුතු කිරීමට ඉන්නේ දාහක් තරම් වූ සේවක පිරිසක් පමණක් බව විදේශ රැකියා ප‍්‍රවර්ධන හා සුභසාධන අමාත්‍ය ඩිලාන් පෙරේරා මහතා අවධාරණය කරයි. එහෙත් ඒ සුළු පිරිස රටවිරුවන් වෙනුවෙන් උපරිම සේවය ලබාදෙන බව ඇමතිවරයා සඳහන් කළේ ශ‍්‍රී ලංකා විදේශ සේවා නියුක්ති කාර්යාංශ කාර්ය මණ්ඩලයට ප‍්‍රවාහන පහසුකම් ලබා දීම සඳහා අළුතින් බස්රථ සේවාවක් ආරම්භ කරමිනි. කාර්යාංශයේ සේවක සුභසාධක සංගමය ම`ගින් මිළදී ගෙන තිබෙන නව බස් රථ 4ක් මේ සඳහා යොදා ගෙන තිබෙන අතර එහි වටිනාකම රුපියල් ලක්‍ෂ 180 කි. මෙම බස් රථ කාර්ය මණ්ඩලය ප‍්‍රවාහනය සඳහා රත්නපුර, මතුගම, හොරණ හා නිට්ටඹුව ගමනාන්ත සඳහා දිනපතා උදැසන හා සවස යෙදවේ.
මෙහිදී අදහස් දැක්වූ ඩිලාන් පෙරේරා මහතා වැඩිදුරටත් ප‍්‍රකාශ කළේ කාර්යාංශ සේවක මණ්ඩලය ලක්‍ෂ 17ක් පමණ වූ එතෙර රැකියා ලාභීන් හා මෙරට වෙසෙන ලක්‍ෂ 60ක් පමණ වූ පිරිස වෙනුවෙන් සේවය කිරීමට තමන්හට විශාල සහයක් ලබා දෙන බවයි. එම නිසා ඔවුන් වෙනුවෙන් සියලූම පහසුකම් සැපයීම සඳහා කටයුතු කරන බවද ප‍්‍රකාශ කළේය. ඒ අනුව නිළධාරීන්ට ප‍්‍රවාහන පහසුකම් සැලසීම සඳහා සේවක සුභසාධක සංගමය හරහා අළුතින් බස්රථ 4ක් ලබා දීමට කටයුතු කළ බවත් එහිදී විවිධ පිරිස් එයට විරුද්ධව කටයුතු කළද සේවකයින් වෙනුවෙන් නොසැලී කි‍්‍රයාකල බවද සඳහන් කළේය.
මෙහිදී නව බස්රථවල යතුරු නිල වශයෙන් කාර්යාංශයේ සභාපති අමල් සේනාලංකාධිකාර මහතාට භාර දුන් අයුරු හා පීත්තපටිය කපා බස් රථයට ගොඩවූ අයුරු ඡායාරූපවල දැක්වේ. එම අවස්ථාවට කාර්යාංශයේ අධ්‍යක්‍ෂ (පරිපාලන) සුසිල් රණසිංහ, සාමාන්‍යාධිකාරී හරිස්චන්ද්‍ර බටගොඩ මහත්වරුන් හා කාර්යාංශ සේවක පිරිසද එක්වී සිටියහ.

20131017-00222.jpg

20131017-0221456.jpg