Archives

You are currently viewing archive for April 2012
Category: Sinhala
Posted by: admin
බදුල්ල පාපන්දු ලීගය සංවිධානය කරන ඩිලාන් පෙරේරා අභියෝගතා කුසලාන පාපන්දු සැණකෙළිය අද (26) පෙරවරුවේ බදුල්ල පාපන්දු ලීගයේ සභාපති ශ්‍රී ලංකා වොලිබෝල් සම්මේලනයේ සභාපති අමාත්‍ය ඩිලාන් පෙරේරා මහතාගේ සහභාගීත්වයෙන් බදුල්ල පාපන්දු ක්‍රීඩාංගණයේදී අරම්භ විය. ඌව පළාත් පාපන්දු කණ්ඩායම් 18ක්, පාසල් ක්‍රීඩා කණ්ඩායම් සහ කාන්තා, පිරිමි ජාතික කණ්ඩායම් රැසකගේ සහභාගීත්වයෙන් ලබන 30 වෙනිදා දක්වා දින 05ක් පුරා බදුලු පාපන්දු උළෙල පැවැත්වීමට කටයුතු සංවිධානය කොට තිබේ. ඩිලාන් පෙරේරා සහයෝගීතා පදනම මීට අනුග්‍රාහකත්වය දක්වයි.

බදුල්ල දිස්ත්‍රික්කයේ ක්‍රීඩා කණ්ඩායම් අතර තරග අද ආරම්භ විය. පාපන්දු ලීගයේ සත්සාමාජික තරගාවලිය, 15න් පහළ හා 19න් පහළ පිලකට පස්දෙනා බැගින්වූ ෆුට්සාල් පාපන්දු තරගාවලිය, දීපව්‍යාප්ත කාන්තා සත් සාමාජික තරගාවලිය හා ප්‍රවීනයන්ගේ සත්සාමාජික තරගාවලිය ඉදිරි දිනවල දී පැවත්වීමට නියමිත ව තිබේ.
ක්‍රීඩා සැණකෙළියේ සමාරම්භය සනිටුහන් කරමින් බදුල්ල නගර මධ්‍යයේ සිට පාපන්දු ක්‍රීඩාංගණය වෙත ක්‍රීඩා කණ්ඩායම් පා ගමනින් ගමන් කළ අතර තුර්යවාදන පෙරටු කොටගනිමින් අමාත්‍යවරයා එහි කැඳවා ගෙන යන අයුරු හා පාසල් පාපන්දු ක්‍රීඩා කණ්ඩායම් පෙළ ගැසී සිටි අයුරු ඡායාරූපයේ දැක්වේ. එම අවස්ථාවට සහභාගී වූ බදුල්ල මහනගරසභාවේ නාගරික මන්ත්‍රීවරුන් හා ක්‍රීඩා සමාජ නියෝජිත පිරිසක් ද පළමු ඡායාරූපයේ වෙති.

20120427-img_0086.jpg

20120427-img_0108.jpg



Category: Sinhala
Posted by: admin
කොරියානු භාෂා විභාගය සමත් වූවන්ගේ සියලූ තොරතුරු හා රැකියා ගිවිසුම් ලැබී තිබේද යන්න තමන්ටම සොයාබැලීමට දැන් හැකියාව උදාවී ඇති බව , ශ්‍රී ලංකා විදේශ සේවා නියුක්ති කාර්යාංශයේ සභාපති අමල් සේනාලංකාධිකාර මහතා පවසයි. කොරියානු රැකියා ගිවිසුම් සම්බන්ධ www.eps.go.kr වෙබ් අඩවියේ රැකියා අපේක්ෂිතයාගේ අන්තර්ජාල ගිවිසුමක් විවෘත කරගැනීමෙන් අනතුරුව අදාල අපේක්ෂකයාටම තම රැකියා ගිවිසුම් , කොරියානු මානව සම්පත් ආයතනයෙන් තමාට ලැබී ඇත්දැයි මේ අනුව පරීක්ෂා කළ හැකිය. අදාල ගිණුම විවෘත කිරීමෙන් අනතුරුව ලැබෙන රහස් අංකය භාවිතා කිරීමෙන් නිවසේ සිටම අදාල තෙරතුරු ලබාගැනීමට මේ අනුව පහසුකම් සැලසේ.

අමාත්‍ය ඩිලාන් පෙරේරා මහතාගේ විශේෂ උපදෙස් මත මෙම නව වැඩ පිළවෙල ක්‍රියාත්මක වන අතර, එමගින් වඩාත් විනිවිදභාවයකින් යුතුව අදාල තොරතුරු , කොරියානු විභාගය සමත් වන්නන්ට බලා ගැනීමට හැකියාව ලැබෙන බවද අමල් සේනාලංකාධිකාර මහතා පවසයි. එසේම මෙම ක්‍රමය මගින් කොරියානු රැකියා අපේක්ෂකයන් අතරමැදියන්ට හා වංචාකරුවන්ට හසුවීම වැළැක්වේ. එසේම කොරියානු රැකියා අපේක්ෂිතයින් තම තොරතුරු කිසිවිටෙකත් වෙනත් පුද්ගලයකුට දීමෙන් වළකින ලෙසද කාර්යාංශය දන්වා සිටී. එලෙස වෙනත් පුද්ගලයන්ට තොරතුරු ලබාදීමෙන් , අන්අයෙක් ගිණුම් ආරම්භ කළහොත් , නැවත් ගිණුමක් ආරම්භ කිරීමට අවස්ථාව නොලැබේ. අමාත්‍ය ඩිලාන් පෙරේරා මහතාගේ විශේෂ ඉල්ලීම මත කොරියානු මානව සම්පත් සංවර්ධන ආයතනය විසින් මෙම සේවා පහසුකම් ලබාදී තිබේ.

2011 වර්ෂයේ දකුණු කොරියාවේ රැකියා සඳහා තෝරාගත් අපේක්ෂිතයින්ගේ සියලූ තොරතුරු කඩිනමින් අන්තර්ජාලයට (වෙබ් අඩවියට) ඇතුලත් කරමින් තිබේ. විභාගය සමත්වූවන්ගේ වාර්තා , පොලිස් වාර්තා සහ විභාගයට පෙනීසිටීමට ලබාදුන් තොරතුරු හා විකාශනය සමත් වූ පසු කාර්යාංශයට ලබාදුන් තොරතුරු හා විභාගය සමත් වූ පසු කාර්යාංශයට ලබාදුන් තොරතුරුවල නිරවද්‍යයතාවය තහවුරු කරගත් සියලූම අපේක්ෂකයන් ඒ අතර වේ . 2011 කොරියානු භෂා ප්‍රවීනතා විභාගයෙන් , 9998 දෙනෙක් සමත්විය.
2010 වසර විභාගය සමත් වූවන්ගෙන් මේ වනවිට 5000 කට වැඩි ප්‍රමාණයක් රැකියා සඳහා පිටව ගොස් ඇති අතර, තවත් 275 දෙනෙක් වෙබ් අඩවියේ පොරොත්තු ලේඛනයේ සිටිති.

දකූණු කොරියාවෙන් තමන් වෙත රැකියාවක් ඉක්මනින් ලබා ගැනීම සඳහා කිසිම පාර්ශවයකගෙන් සහය ලබානොගන්නා ලෙසත්, ඒ සඳහා කිසිම පුද්ගලයකුට මුදල් නොගෙවන ලෙසත් අමල් සේනාලංකාධිකාර මහතා වැඩිදුරටත් ඉල්ලා සිටී.


Category: Sinhala
Posted by: admin
ජෝර්දානයේ සේවය කරන ශ්‍රී ලංකික ශ්‍රමිකයින්ගේ වැටුප් වැඩිකිරීම සඳහා අවශ්‍ය ක්‍රියාමාර්ග ගැනිම පිළිබඳව, මේ දිනවල එරට සංචාරයක නිරත වී සිටින විදේශ රැකියා ප්‍රවර්ධන හා සුබසාධන අමාත්‍ය ඩිලාන් පෙරේරා හා ජෝර්දානයේ කම්කරු අමාත්‍ය මහීර් අල් වාකිඞ් යන මහත්වරුන් අතර ඊයේ පවති සාකච්ඡාවකදී විශේෂ අවධානය යොමු වී තිබේ. එමෙන්ම රැකියා සම්බන්ධව දෙරටටම බලපාන කරුණු ගණනාවක් ද දෙපාර්ශවය අතර එහිදී සාකච්ඡාවට ලක් විය. ඩිලාන් පෙරේරා අමාත්‍යවරයා අදාළ වැටුප් වැඩිකිරිම සම්බන්ධව සිය යෝජනාව සාකච්ඡා අතරතුර ඉදිරිපත් කර ඇති අතර ශ්‍රී ලංකාවේ එම ඉල්ලීම සාධාරණවන බව එරට කම්කරු අමාත්‍යවරයා විසින් පිළිගෙන එහිදී ඊට යහපත් ප්‍රතිචාර දක්වා තිබේ.

මෙයට අමතරව ජෝර්දානයේ රැකියා සඳහා පිටත්වන ශ්‍රමිකයින්ට ලබාදෙන රක්ෂණාවරණය පිළිබඳ එරට කම්කරු අමාත්‍යාංශය හා රැකියා නියෝජිතයින් දැනුවත් කිරිමේ අවශ්‍යතාව අමාත්‍යවරයා පෙන්වා දිමෙන් පසු ඊට අවශ්‍ය කටයුතු සිදුකිරීමට එරට කම්කරු අමාත්‍යවරයා ප්‍රමුඛ නියෝජිතයින් එහිදී එකඟතාවක් පළකොට ඇත. ජෝදානයේ රැකියා සඳහා යන ශ්‍රී ලාංකිකයින්ගේ ඉංග්‍රීසි දැනුම ඉහළ නැංවීමට කටයුතු කරන බව අමාත්‍ය ඩිලාන් පෙරේරා මහතා එරට කම්කරු අමාත්‍යවරයාට දන්වා තිබේ. මෙයට අමතරව එරට සේවය කරන ලාංකික ශ්‍රමිකයින්ගේ සුබසාධන අවශ්‍යතා හා ආරක්ෂාව වඩාත් හොඳින් තහවුරු කිරීම පිලිබඳව ඩිලාන් පෙරේරා අමාත්‍යවරයා එහිදි අවධාරණය කොට ඇති අතර ඉදිරි කාලයේදි රැකියා ඇනවුම් ලබාගැනිමේදි ඊමේල් හා වෙනත් අන්තර්ජාල පහසුකම් භාවිතා කිරීමට ඇති හැකියාව පිළිබඳවද මෙහිදී සාකච්ඡා කොට තිබේ.

අමාත්‍ය ඩිලාන් පෙරේරා මහතා හා විදේශ සේවා නියුක්ති කාර්යාංශයේ සභාපති අමල් සේනාලංකාධිකාර මහතා එරට සේවය කරන ශ්‍රී ලාංකිකයින් හමුවී ඔවුන් සමග ද සාකච්ඡා කොට ඇති අතර ඔවුන්ට බලපාන පොදු ගැටලූ කිහිපයක් සඳහා අවශ්‍ය කඩිනම් විසඳුම් ලබාදීමට අමාත්‍යවරයා ඇතුලූ දූත පිරිස එකඟ වී ඇත.
මෙම අවස්ථාවට එරට කම්කරු අමාත්‍යාංශයේ නියෝජ්‍ය සාමාන්‍යාධිකාරී ඊබ්‍රහහිම් අල්ෂුබ්, කාර්යාංශයේ සභාපති අමල් සේනාලංකාධිකාර, ජෝර්දානයේ ශ්‍රී ලංකා තනාපති ගාමිණී රාජපක්ෂ, කාර්යාංශයේ නියෝජ්‍ය සාමාන්‍යාධිකාරි මංගල රන්දෙනිය යන මහත්වරුද ඊට සහභාගි වි සිටියහ.