Archives

You are currently viewing archive for May 2012
Category: Sinhala
Posted by: admin
විදේශ රැකියා ප්‍රවර්ධන හා සුබසාධන අමාත්‍ය නීතිඥ ඩිලාන් පෙරේරා මහතා සමඟ විදේශ රැකියා ප්‍රවර්ධන හා සුබසාධන අමාත්‍යංශයේ සහ ඊට අනුබද්ධ ආයතන වල නියෝජිතයින් පිරිසක් පසුගියදා ඕමානයේ රැකියා ප්‍රවර්ධන වැඩසටහනකට සහභාගී වුහ.

මේ සඳහා ඩිලාන් පෙරේරා අමාත්‍යවරයා සමඟ විදේශ රැකියා ප්‍රවර්ධන අමාත්‍යංශය,
ශ්‍රී ලංකා විදේශ සේවා නියුත්ති කාර්යාංශය, විදේශ රැකියා ඒජන්සි පෞද්ගලික සමාගම, යන ආයතනවල ප්‍රධානීන් සහ බලපත්‍රලාභී විදේශ රැකියා නියෝජිතායතනවල නියෝජිතයින් පිරිසක් සහභාගී විය.

මෙම රැකියා ප්‍රවර්ධන වැඩසටහන අතරතුර ඕමානයේ ශ්‍රී ලාංකික සංගමයේ නියෝජිතයින් එහි ව්‍යාපාර පවත්වාගෙන යන හා එහි පදිංචි වෘත්තීයවේදී ශ්‍රී ලාංකිකයන් සහ මෙම නියෝජිත පිරිස් අතර විශේෂ හමුවක් මස්කට් නගරයේ මස්කට් හොලිඬේ හෝටලයේ දී පැවැත්විණ.

අමාත්‍යවරයා සමඟ මෙම සමුළුවට සහභාගී වූ විදේශ රැකියා ප්‍රවර්ධන හා සුභසාධන අමාත්‍යංශයේ ලේකම් කර්නල් නිශ්ශංක විජේරත්න මහතාත් ඕමානයේ ශ්‍රී ලංකා තානාපති අශෝක ගිරිහාගම, විදේශ රැකියා ඒජන්සි පෞද්ගලික සමාගමේ සභාපති සේනක අබේගුණවර්ධන, ඕමානයේ ශ්‍රී ලංකා කන්සියුලර් මාධව දේශප්‍රිය, කාර්යාංශයේ විදේශ සම්බන්ධතා අංශයේ නියෝජ්‍ය සාමාන්‍යාධිකාරි ඞී .ඞී. පී සේනානායක යන මහත්වරු සහ මෙම සමුළුවට සහභාගී වු ඕමාන් හි වෙසෙන ශ්‍රී ලාංකිකයින් පිරිසක් ඡායාරූපයේ දැක්වේ.


20120523-dscf2064.jpg

20120523-dscf2158.jpg

20120523-dscf2185.jpg

20120523-dscf2225.jpg

20120523-dscf2240.jpg




Category: Sinhala
Posted by: admin
ඉදිරියේදී විදේශ රැකියා සඳහා යවන ශ්‍රී ලාංකිකයන් අනිවාර්යයෙන්ම ජාතික වෘත්තීය සුදුසුකම තුන්වන මට්ටම (NVQ Level -3) සම්පූර්ණ කර තිබිය යුතු බව විදේශ රැකියා ප්‍රවර්ධන හා සුබසාධන අමාත්‍ය නීතිඥ ඩිලාන් පෙරේරා මහතා ප්‍රකාශ කරයි. මෙම සැප්තැම්බර් මස පළමුවන දිනසිට මෙය ආරම්භ කරන බවත්, ශ්‍රී ලාංකික ශ්‍රමිකයින්ගේ වෘත්තීයමයභාවය ඉහළ දමමින් ඉතා ඉහළ පිළිගැනීමක් සහ වැඩි වැටුප් ලබාගතහැකි පරිසරයක් එමගින් ඇතිකර ගැනීමේ අරමුණ ඇතිව මෙම තීරණය ගත්බවත් අමාත්‍යවරයා පැවසීය.

ඩිලාන් පෙරේරා අමාත්‍යවරයා මේ බව ප්‍රකාශකළේ පසුගිය දා ඕමානයේ පැවති රැකියා ප්‍රවර්ධන වැඩසටහනක් අතරතුරදී ඕමානයේ ඉහළ රැකියාවල නියුතු හා ව්‍යාපාරවල නියුතු ශ්‍රී ලාංකිකයන් ඇමතීම සඳහා ඕමානයේ මස්කට් හොලිඬේ හෝටලයේ පැවති විශේෂ හමුවකදීය.

මෙහිදී වැඩිදුරටත් අදහස් දැක්වූ අමාත්‍යවරයා ප්‍රකාශකළේ ඉදිරියේදි ඕමානය සමඟ අවබෝධතා ගිවිසුමක් අත්සන් කිරීමට බලාපොරොත්තු වන අතර එමගින් දෙරට අතර සහයෝගීතාවය වර්ධනය කරගනිමින් එරටේ උසස් හා වෘත්තීය මට්ටමේ රැකියා සඳහා ශ්‍රී ලාංකික ශ්‍රමිකයින් එවීමට කටයුතු කරන බවයි. තවද ගෘහසේවය සඳහා යැවීම දිරිමත් නොකර පුහුණු ශ්‍රමිකයින් යැවීමට උනන්දු කරන බව ද පැවසීය. අපේ රටට වැඩිම විදේශ විනිමය ලබාදෙන ඔබ ඇතුලූ විගමනික ශ්‍රමිකයන් රට විරුවන් ලෙස නම්කරමින් ඔවුන්ට අභිමානයක් ලබා දෙමින් ඔවුන්ව අපේ රටට විශේෂිත පිරිසක් ලෙස අගය කිරීම පසුගිය වසරේ දෙසැම්බර් 18 දින ජාත්‍යන්තර සංක‍්‍රමණික දිනයේදී අපි ආරම්භ කළ බවත් , මෙරට ව්‍යාපාරවල නිරතව සිටින ඔබ වැඩිවශයෙන් අපේ රටේ ශ්‍රමිකයින් මෙරට රැකියා සඳහා ගෙන්වා ගැනීමට කටයුතු කරන ලෙසද මේ අවස්ථාවේදි අමාත්‍යවරයා ප්‍රකාශකරන ලදී.

වසර 30 ක් පුරා පැවති යුද්ධය නිමාකරමින් ලංකාව දැන් සංවර්ධනයේ මාවත ඔස්සේ වේගයෙන් ගමන් කරන අතර ඔබ හැදුණු වැඩුණු ගම වෙනදාට වඩා දියුණු කිරීමට රජය පියවරගෙන තිබේ. පාර කොන්ක්‍රීට් කරන්න , වේලි බඳින්න , විදුලිය ලබාදෙන්න, ජලය ලබාදෙන්න පියවර ගෙන තිබෙනවා. ඕමානයේ වසර 25 , 30 වැනි කාලයක් ව්‍යාපාර කටයුතු කරන ශ්‍රී ලාංකිකයන් මව් රටට පැමිණ ව්‍යාපාර ආරම්භ කරන්න හොඳ පරිසරයක් රටේ උදාකර තිබෙනවා. ව්‍යාපාර ආරම්භ කරන්නන් හට වසර 05 ක බදු සහනයන්ද , අවශ්‍යය යන්ත‍්‍ර සූත‍්‍ර සඳහා වසර 05 ක බදු සහන ලබාදීමට රටවිරු ඔබට පසුගිය අයවැය යෝජනා තුලින් යෝජනා කරනු ලැබුවා. පසුගිය අයවැයෙන් ජනපතිවරයා ලබාදුන් එම අවස්ථාව ප්‍රයෝජනයට ගෙන රටේ සංවර්ධනයට දායකවන ලෙස මා ඉල්ලා සිටිනවා.

ඔබලාගේ දූ දරුවන්ට ඉගෙන ගන්න පෞද්ගලික විශ්වවිද්‍යාල අරඹන ලෙස කළ ඉල්ලීම ඉතා කාලෝචිත ඵලදායක ඉල්ලීමක් අපේ රජය ඒ සඳහා පියවරගනිමින් සිටිනවා. අවාසනාවකට රටේ ඇතැම් සුළු පිරිසක් එයට විරුදධව උද්ඝෝශන කරනවා. ඉදිරියේදී එම අවස්ථාව ඔබේ දරුවන්ට ලබා දෙන්න හැකිවේවි. එවිට ඔබලා උපයන මුදල් වෙනත් රටවල් වලට ඇඳී යාම වලක්වා අපේ රටටම යෙදවිය හැකියි. අපේ සංස්කෘතිය ඔබේ දරුවන්ට ලබා දෙන්න පුළුවන් .

මෙම හමුව සඳහා ඕමානයේ වෙසෙන ශ්‍රී ලාංකිකයින් 350 කට අධික පිරිසක් සහභාගී වීම විශේෂත්වයක් වූ අතර අමාත්‍යවරයා සමඟ විදේශ රැකියා ප්‍රවර්ධන හා සුභසාධන අමාත්‍යංශයේ ලේකම් කර්නල් නිශ්ශංක විජේරත්න, ඕමානයේ ශ්‍රී ලංකා තානාපති අශෝක ගිරිහාගම, විදේශ සේවා නියුක්ති කාර්යාංශයේ සභාපති අමල් සේනාලංකාධිකාර, විදේශ රැකියා ඒජන්සි පෞද්ගලික සමාගමේ සභාපති සේනක අබේගුණවර්ධන, ඕමානයේ ශ්‍රී ලංකා කන්සියුලර් මාධව දේශප්‍රිය, විදේශ සේවා නියුක්ති කාර්යාංශයේ විදේශ සම්බන්ධතා අංශයේ නියෝජ්‍ය සාමාන්‍යාධිකාරි ඞී .ඞී. පී සේනානායක, යන මහත්වරු මෙම අවස්ථාවට සහභාගී වූහ.



Category: Sinhala
Posted by: admin
මෙවර එක්සත් ජනතා නිදහස් සන්ධාන මැයි දින පෙළපාලියේ වැඩි මහජන ආකර්ෂණීය හා සංවිධානාත්මක ස්වරූපයක් ගැනීමට විදේශ රැකියා ප්‍රවර්ධන හා සුබසාධන අමාත්‍ය ඩිලාන් පෙරේරා අමාත්‍යවරයාගේ ප්‍රධානත්වයෙන් ගමන් කළ පිරිස සමත්විය. අමාත්‍යවරයා සමග ගමන්ගත් පිරිස අතරට හාලිඇල ආසනයේ විශාල ජනතාවක් ද විදේශ සේවා නියුක්ති කාර්යාංශයේ නිදහස් සේවක සංගමයේ සමාජිකයින්ද එක්වී සිටියහ. රට විරුවන් වූ එතෙර ශ්‍රමය වගුරුවන ශ්‍රී ලාංකික ශ්‍රමික ප්‍රජාවගේ නියෝජනය ‘රට එකට’ මැයි දින තේමාව හා යා කිරීම අමාත්‍යවරයාගේ අරමුණ වී තිබිණි. කම්කරුවන් හා ඔවුන්ගේ ජීවන අවශ්‍යතා වෙනුවෙන් සිය ජීවිත කැපකළ ජාත්‍යන්තර හා ජාතික තලයේ විරුවන් රැසකගේ ඡායාරූප රැගත් පිරිසක් ද පාගමන ඉදිරියෙන් ගමන් කරනු දක්නට ලැබුණි.

20120508-img_8066.jpg

20120508-img_8086.jpg

20120508-img_8098.jpg

20120508-img_8140.jpg

20120508-img_8363.jpg

20120508-img_9044.jpg

20120508-img_9085.jpg



Category: Sinhala
Posted by: admin
විදේශගතව රැකියා කරන දෙමාපියන්ගේ දරුවන්ගේ ඉගෙනුම ලබන පාසල්වල ළමුන්ගේ ඉංග්‍රී දැනුම වර්ධනය කිරීමේ අරමුණින් විශේෂ වැඩසටහනක් ක්‍රියාවට නැංවීමට විදේශ සේවා නියුක්ති කාර්යාංශය පියවරගෙන තිබේ. ඒ අනුව ඉංග්‍රීසි දැනුම වර්ධනය සඳහා මනෝවිද්‍යාත්මක පදනමක් සහිතව විශේෂයෙන් සකසන ලද පොත් කට්ටල රජයේ පාසල්වල පළමු හා දෙවන ශ්‍රේණිවල ළමයින් වෙනුවෙන් නොමිලයේ ලබාදීමේ වැඩසටහනක පළමු වැන්න පසුගියදා (අප්‍රේල් 28) බදුල්ල ජාතික පාසලේදී පැවැත්විණි. විදේශ රැකියා ප්‍රවර්ධන හා සුබසාධන අමාත්‍ය ඩිලාන් පෙරේරා මහතාගේ ප්‍රධානත්වයෙන් හාලිඇල අධ්‍යාපන කොට්ඨාසයට අයත් සියලූ පාසල්වල පළමු හා දෙවන ශ්‍රේණිවලට අයත් දරුවන් දෙදහසකට වැඩි පිරිසකට එහිදී ඉංග්‍රීසී පොත් සහිත පාසල් බෑග පිරිනැමිණි.

එම අවස්ථාවේ රැස්ව සිටි දරුවන් ඇතුළු පිරිස අමතා අදහස් දැක්වූ ඩිලාන් පෙරේරා අමාත්‍යවරයා වර්තමානයේ උසස් අධ්‍යාපනය ලැබූ උපාධිධාරීන් පවා ඉංග්‍රීසි භාෂාව දැනුම අල්ප වීමෙන් සමාජය ඉදිරියේ අසරණ වන අවස්ථා සුලබ බව පෙන්වාදුණි. අවශ්‍ය වන්නේ ඉංග්‍රීසි භාෂාවට වහල්වීම නොව එම භාෂා දැනුම සහිතව ලෝකය ඥානණය කළ හැකි මිනිසෙකු බවට පත්වීම බව අවධාරණය කළ ඒ මහතා පාසල් අධ්‍යාපනයේ මූලාරම්භයේදීම දරුවෙකු ඉංග්‍රීසි බසට හුරුකරවීම ඉතා වැදගත් යැයි පැවසීය. ඉංග්‍රීසි බස ලාංකිකයින් හැටියට වරදමින් හෝ හැකි ආකාරයෙන් උච්චාරණය කිරීම ලැජ්ජාවට කරුණක් නොවන බවද පැවසූ ඒ මහතා උත්සාහයෙන් එම දැනුම ලබානොගන්නේ නම් ජීවිතයට අත්‍යාවශ්‍ය ම හයියක් ගිලිහී යන බවද පාසල් ළමුන්ට අවධාරණය කළේය. දරුවන් රටේ අනාගතය බැවින් අනාගත මව්බිමට ශක්තිමත් මිනිසෙකු නිර්මාණය කිරීමේ අරමුණින් තම අමාත්‍යාංශය හා විදේශ සේවා නියුක්ති කාර්යාංශය මෙම වැඩපිළිවෙළ ක්‍රියාවට නංවන බවද ඩිලාන් පෙරේරා මහතා එහිදී පැවසීය.

අමාත්‍යවරයා පාසල් දරුවන් පිරිසකට පොත් කට්ටල සහිත පාසල් බෑග් පිරිනැමූ අයුරු හා තිළිණ ලැබූ දරුවන් පිරිසක් අමාත්‍ය ඩිලාන් පෙරේරා මහතා සමග එක්වී සිටි අයරු ඡායාරූපවලින් දැක්වේ. මෙම අවස්ථාවට ඌව පළාත් සභා මන්ත්‍රී නිමල් රත්නායක, බදුල්ල කළාප අධ්‍යාපන අධ්‍යක්ෂ ආනන්ද සිරි ගොඩකන්ද, විදේශ සේවා නියුක්ති කාර්යාංශයේ ක්‍රියාකාරී අධ්‍යක්ෂ තරංග නලින් ගම්ලත්, නියෝජ්‍ය සාමාන්‍යාධිකාරී මංගල රන්දෙනිය යන මහත්වරු ඇතළු නිලධාරීහු පිරිසක් ද සහභාගී සිටියහ.

20120502-books1.jpg

20120502-books2.jpg