Archives

You are currently viewing archive for July 2013
Category: Sinhala
Posted by: admin
ඒත් ඒ අය ගැන අපි විමසිල්ලෙන්...
ඇමති ඩිලාන් කියයි..


විදේශ රැකියාවල නිරත වී සිටින පිරිසෙන් ගැටළු ඇතිවන්නේ සියයට 5කට වඩා අඩු පිරිසකට පමණක් බවත් අනෙක් පිරිස සාර්ථකව රැකියාවල නිරත වී සිටින බවත් විදේශ රැකියා ප්‍රවර්ධන හා සුභසාධන අමාත්‍ය ඩිලාන් පෙරේරා මහතා ප්‍රකාශ කරයි. එහෙත් ගැටළු ඇතිවන එම සුළු පිරිස කෙරෙහි දැඩි අවධානයකින් සිටින අතර ඔවුන්ගේ ගැටළු වලට කඩිනම් සහන ලබා දීම සඳහා ක්‍රමවත් වැඩපිළිවෙලක් තානාපති කාර්යාල හරහා ක‍්‍රීයාත්මක කරන බවද ඔහු කියා සිටී. ඩිලාන් පෙරේරා මහතා මෙම අදහස් ප්‍රකාශ කලේ බදුල්ල විදේශ සේවා කාර්යාලයේ පැවති උත්සවයකට සහභාගි වෙමිනි. බදුල්ල ඉලූක්තැන්න ප්‍රදේශයේ රටවිරු කාන්තාවකට සිය නිවස ඉදිකර ගැනීමට රු. 250,000 මෙම උත්සවයේදී පරිත්‍යාග කල අතර මෙයට අමතරව ප්‍රදේශයේ රටවිරු පවුල් කිහිපයකට රු.25000 බැගින් පරිත්‍යාග කිරීමද අමාත්‍යවරයා අතින් සිදු කෙරිණ.
එහිදී වැඩිදුරටත් අදහස් දැක්වූ ඔහු මෙලෙසද ප්‍රකාශ කලේය. ”රටවිරු පවුල් සඳහා අපි හැමවිටම සුභසාධන පහසුකම් සපයනවා. දූ දරුවන්ට ශිෂ්‍යත්ව, පාසැල් උපකරණ, නිවාස ණය, රටවිරු රුකවරණ සේවා, ස්වයං රැකියා ණය ඒ අතර ප්‍රධානයි. දැනට රට රැකියා කරන සංඛ්‍යාව ලක්‍ෂ 17කට ආසන්නයි. ඒ අයගෙන් මෙරට යැපෙන සංඛ්‍යාව අවම වශයෙන් 3ක් ගත්තොත් සමස්ථ රටවිරුවන් සංඛ්‍යාව ලක්‍ෂ 51 ක් පමණ වෙනවා. ජනගහනයෙන් 1/4 ක්විදේශ රැකියා වලින් පෝෂණය වෙනවා. ඡන්දෙකදී මේ සංඛ්‍යාව කාටහරි මනාප දුන්නොත් එයා ලංකාවෙන්ම පළවෙනියා වෙනවා. රටවිරුවන්ගේ බලය තමයි ඒ. හැබැයි මේ අය අපි කවදාවත් දේශපාලන වැඩවලට යොදා ගත්තේ නෑ. අපි ඔවුන් රටේ සංවර්ධනයට, රටේ අනාගතයට යොදා ගන්නවා. මම කලින් කිව්වා වගේ ජනගහනයෙන් 1/4 ක් නියෝජනය කරන මෙම පිරිසට අපි උපරිමයෙන් සහන ලබා දෙන්න ඕනි. මොකද, රට රැකියා වල නිරත වී සිටින ලක්‍ෂ 17 කට ආසන්න පිරිස වාර්ශිකව ලංකාවට ඇමරිකන් ඩොලර් බිලියන 6ක් හෙවත් රුපියල් කෝටි කෝටි 6000ක් එවනවා. අපේ විදේශ සංචිත වල වැඩිම ප්‍රමාණය ලබා දෙන්නේ මේ පිරිස. මේ බිලියන 6 නැතිනම් අද වාහනයක යන්න බෑ. මොකද අපි වාර්ශිකව තෙල් සඳහා ඩොලර් බිලියන 6ක් විතර පිටරටට ගෙවනවා. අද සැප වාහනවල යන අය යන වාහනවල තෙල් වලට පිටරටට සල්ලි ගෙවන්නේ රටවිරුවන්. ඒකයි ඔවුන් රණවිරුවන්ට පමණක් දෙවැනි වන්නේ. මම ඇමති වෙලා ඉන්නකම් මේ උතුම් පිරිසට පැය 24ම සේවය කරනවා.
අපි රට රැකියාවලට යන අයගෙන් විශේෂයෙන් මව විදේශ ගත වීමේදී වැඩි අවධානයක් යොමු කරනවා. මොකද මව විදේශ ගත වුනාම පවුල් විනාශ වෙන්න පුළුවන්. මව නොමැතිවිට දරුවන් අනාරක්‍ෂිත වෙන්න පුළුවන්. අධ්‍යාපනය කඩාකප්පල් වෙන්න පුළුවන්. මව ලංකාවට එන විට විනාශ වෙච්ච පවුලක්වත් පාතාලයට මැරයන් එකතු කරපු පවුලක්වත් තියෙන්න බෑ. සතුටින් සිටින අභිමානවත් රටවිරු පවුලක් වෙන්න ඕනි. ඒ නිසා මව විදේශ ගත වීමේදී පවුල් පසුබිම් වාර්ථාව අනිවාර්ය කළේ ඒ නිසයි. පවුල් පසුබ්ම් වාර්ථාව නැත්නම් පසුගිය 15 දා සිට රට රැකියාවකට කිසිම පුහුණුවක් ලබා ගන්න බෑ. එතකොට රට යන්නත් බෑ. ප්‍රාදේශීය ලේකම් කාර්යාල වල ඉන්න උපාධිධාරී සංවර්ධන සහයක නිළධාරීන්ගේ අවංක සේවය මෙහිදි අපි බලාපොරොත්තු වෙනවා. ඔවුන්ගේ නිර්දේශ මත ප්‍රාදේශීය ලේකම්තුමාගේ අනුමැතිය සහිත රට යෑමට සුදුසු පවුල් පසුබ්ම් වාර්ථා තියෙන අයට විතරයි මින් ඉදිරියට රට යන්න පුළුවන් වෙන්නේ.” යනුවෙන්ද ප්‍රකාශ කලේය.
මෙහිදී අමාත්‍යවරයා වැඩිදුරටත් අවධාරණය කළේ, රට රැකියාවල යෙදී සිටින කෙනෙකුට යම් ගැටළුවක් ඇතිවූ විට එය ළඟම ඥාතියෙකුගේ මාර්ගයෙන් පැය 24 පුරා ක්‍රියාත්මක කෙටි පණිවිඩ සේවාවට (SMS) එම ගැටළුව ලබා දිය හැකි බවයි. එවිට එම ගැටළුව කාර්යාංශයේ බලධාරීන්ට ක්ෂණිකව යොමු වන අතර එය අදාල රැකියා නියෝජිතයාට ලබා දේ. එවිට එම නියෝජිතයා ඒ ගැන වහාම සොයා බලා නැවත SMS පණිවිඩයක් ලබා දිය යුතුය. එසේ නොවුනහොත් ඔහුට එරෙහිව නීතිය ක්‍රියාත්මක කරයි. මෙම ක්‍රමය ජූලි 19 සිට ක්‍රියාත්මක වේ.
රට රැකියාවල නිරත වී සිටින අයගේ ගැටළු මාධ්‍ය මගින් හෙලිකිරීම අගය කරන බවත්, එම ගැටළු දැනගත් වහාම විසඳුම් ලබා දීම සඳහා නිළධාරීන්ට නියෝග ලබා දෙන බවත් අමාත්‍යවරයා ප්‍රකාශ කළේය. එසේම රට ගොස් දිවිපිදූවන්ගේ තොරතුරුද මාධ්‍ය මගින් ප්‍රචාරය කිරීමේ වැදගත්කමද මෙහිදී ඩිලාන් පෙරේරා මහතා පැහැදිලි කළේය.
මෙම අවස්ථාවට ශ්‍රී ලංකා විදේශ සේවා නියුක්ති කාර්යාංහයේ අතිරේක සාමාන්‍යාධිකාරී ක්‍රිෂෝලි පෙරේරා මහත්මිය ඇතුළු රටවිරු පවුල් සාමාජිකයින් රැසක් එක්වී සිටියහ.

20130722-img_36891.jpg
විදේශ රැකියාවක නිරත වි පැමිණි බදුල්ල ඉලූක්තැන්න ඩබ්. එම්. ශ්‍රීයානි මහත්මියට නිවසක් ඉදි කිරීම සඳහා රු.250000 ලබා දීම.

20130722-img_36961.jpg
ජෝර්දානයේ ගෘහ සේවයේ නිරත වී සිට ආබාධිත තත්වයේ පසුවන රූපිකා ස්වර්ණපාලි මහත්මියගේ දියණියට පාසැල් උපකරණ කට්ටලයක් පරිත්‍යාග කිරීම.

20130723-img_36911.jpg



Category: Sinhala
Posted by: admin
ඇමති ඩිලාන් කියයි

හාලිඇල පාසැල් ගොඩනගන්නටත් දකුණු කොරියාවේ සහය

දකුණු කොරියාව සමග පවතින ආර්ථික, සමාජ, දේශපාලන, අධ්‍යාපනික සබඳතාවය තවදුරටත් ශක්තිමත් වී ඇති බව විදේශ රැකියා ප්‍රවර්ධන හා සුභසාධන අමාත්‍ය ඩිලාන් පෙරේරා මහතා ප්‍රකාශ කරයි. විශේෂයෙන් ලෝකයේ වේගවත් ආර්ථික සංවර්ධනයක් පවතින කොරියාව වැනි රටක සීග්‍ර සංවර්ධනය සමග රැකියා විශාල වශයෙන් බිහිවන අතර , එම රැකියා අවස්ථා ශ්‍රී ලංකාවට වැඩියෙන් ලබා දෙමින් දෙරට අතර නොබිදෙන ශක්තිමත් මිත්‍රත්වයක් ඇතිවී තිබෙන බව ඔහු කියා සිටී. ඩිලාන් පෙරේරා මහතා මෙම අදහස් ප්‍රකාශ කලේ දකුණු කොරියාවේ BFW (Blessing Flowers World) ආයතනය මගින් ගොඩනංවන ලද හාලිඇල උඩගම කොට්ටෙගොඩ විද්‍යාලයේ පළමු සංවත්සර (2013/07/12) උත්සවයේදීය. මෙම විද්‍යාලය පසුගිය වසරේ සිදුවූ නායයෑමෙන් සම්පූර්ණයෙන් විනාශ වූ අතර, එම විද්‍යාලය නැවත ගොඩනැගීමට අමාත්‍යවරයා කොරියාවේ ආයතනයෙන් කරන ලද ඉල්ලීමකට අනුව එය පසුගිය වසරේදී නැවත අලූතින් ගොඩනැංවීය. මෙම පළමු සංවත්සරයට BFW ආයතනයේ ලේකම් ජුන් කි කිම් (Jun Ki Kim), කිම් වුන් වු (Kim Eun Woo) මහතා ඇතුළු පිරිසක් පැමිණ සිටියහ.

එහිදී වැඩිදුරටත් අදහස් දැක්වූ ඔහු කියා සිටියේ නායයෑමෙන් විනාශ වූ මෙම විද්‍යාලයේ ගොඩනැගිලි යලි ඉදි කිරීම සඳහා තමන් ඩිලාන් පෙරේරා පදනම සමග කොරියාවෙන් කළ ඉල්ලීමකට ප්‍රතිචාර වශයෙන් එරට BFW නම් ආයතනය ක්ෂණිකව ඉදිරිපත් වී ඉතාම ඉක්මණින් විද්‍යාලය යලි සිසුන්ට අධ්‍යාපනය හැදෑරීමට ඉදිකර දුන් බවයි. මෙම විද්‍යාලයේ ඉගෙන ගන්නා සිසුන්ගේ නැණස පාදන්නට එලෙස උපකාර කිරීම පිළිබඳව තමන් බෙහෙවින් ස්තූතිවන්ත වන බවත් දකුණු කොරියාව මෙම ප්‍රදේශයට දක්වන විශේෂ සැලකිල්ලක් බවත් සදහන් කලේය.

මෙහිදී අදහස් දැක්වූ BFW ආයතනයේ ලේකම් ජුන් කි කිම් මහතා ප්‍රකාශ කලේ නායයෑමෙන් විනාශ වූ මෙම විද්‍යාලය ගොඩනැංවීමට ඩිලාන් පෙරේරා මහතා කල ඉල්ලීමත් මෙහි ඉගෙනගන්නා සිසුන්ගේ අහිංසකත්වයත් මුල්කොට ගෙන සිසුන්ට මෙම විද්‍යාලය ඉතාම ඉක්මණින් ගොඩනැංවීමට තම ආයතනය කටයුතු කල බවයි. අමාත්‍යවරයා ඒ සඳහා දැක්වූ උනන්දුව කැපවීම තමන් ඉතාම අගය කරන බවද ඔහු සදහන් කලේය. එම නිසා හාලිඇල ප්‍රදේශයේ තවත් පාසැලක් ගොඩනැංවීමට තම ආයතනය කටයුතු කරන බවද ඔහු සඳහන් කලේය. ඒ සඳහා අමාත්‍ය ඩිලාන් පෙරේරා මහතා විශේෂයෙන් ඉල්ලා සිටි බවද ඔහු සඳහන් කලේය. ශ්‍රී ලංකාව ලබා තිබෙන සීග්‍ර සංවර්ධනය පිළිබඳව සතුටු වන බවත් හැකි සෑම විටම මෙරට සංවර්ධනයට උදව් කරන බවත් සඳහන් කලේය.

මෙම අවස්ථාවට හාලිඇල උඩගම කොට්ටෙගොඩ විද්‍යාලයේ විදුහල්පති ආර්.එම්.කරුණාරත්න මහතාද එක්වී සිටියහ.

20130715-kottegoda2.jpg
අමාත්‍ය ඩිලාන් පෙරේරා මහතා, කොරියානු ආයතනයේ BFW ආයතනයේ ලේකම් ජුන් කි කිම් (Jun Ki Kim), කිම් වුන් වු (Kim Eun Woo) යන මහත්වරුන් පොල්තෙල් පහන දැල්වූ අයුරු


20130715-kottegoda1.jpg
ගොඩනංවන ලද විද්‍යාලීය ගොඩනැගිල්ල