නව විදේශ රැකියා වෙළදපොල හා නව වෘත්තීන් වලට ශ්‍රී ලාංකික ශ්‍රමිකයන් යොමු කිරීමේ වැඩසටහනෙහි තවත් ඉදිරි පියවරක් තබමින් විදේශ රැකියා ප්‍රවර්ධන සහ සුබසාධන අමාත්‍ය ගරු ඩිලාන් පෙරේරා මහතා දැනට මැලේසියාවේ රැකියා ප්‍රවර්ධන සංචාරයක නිරත වී සිටී.

මෙම වැඩසටහන අතරතුර ඇමතිවරයා ඇතුළු කණ්ඩායම පසුගිය ඉරිදා, ජනාධිපති ආර්යා ශිරන්ති රාජපක්ෂ මැතිනියගේ ඉල්ලීම පරිදි මැලේසියාවේ, පීනෑන්ග් නගරයේ වසර 95 ක් තිස්සේ පවත්වාගෙන යන මහින්දාරාම විහාරය වැදපුදා ගැනීමට ද අමතක නොකළේය. මෙහිදී විහාරාධිපති ගරු ඇල්ගිරියේ ඉන්ද්‍රරතන ස්වාමීන් වහන්සේගේ මඟපෙන්වීම යටතේ, දොස්තර කිම් මහතා ප්‍රමුඛ දායක දායිකාවන් විසින් පරිත්‍යාග කරන ලද රෝදපුටු, කිහිලිකරු ඇතුළු උපකරණ රැසක් ශ්‍රී ලාංකිකයන්ගේ ප්‍රයෝජනය සදහා අමාත්‍යවරයා ප්‍රමුඛ කණ්ඩායම වෙත පරිත්‍යාග කරන ලදි. ජායාරූපයේ දැක්වෙන්නේ ඇමතිවරයා විසින් විහාරාධිපති ස්වාමීන්වහන්සේ අතින් ප්‍රථම රෝද පුටුව ලබා ගන්නා අවස්ථාවයි.


20110817-malaysia.jpg